ەكولوگيا • 13 قازان، 2021

2025 جىلعا دەيىن 10 قالا گازعا كوشەدى

62 رەت كورسەتىلدى

قر پرەزيدەنتى قاسىم-جومارت توقاەۆ ەكولوگياسى ناشار قالالاردى بالامالى ەنەرگيا كوزدەرىنە كوشىرۋ جوسپارى تۋرالى پىكىر ءبىلدىردى، دەپ حابارلايدى Egemen.kz.

«2025 جىلعا قاراي نەعۇرلىم لاستانعان 10 قالا گازداندىرىلىپ، بالامالى ەنەرگيا كوزدەرىنە اۋىستىرىلاتىن بولادى. قازاقستاننىڭ جاڭارتىلاتىن جانە بالامالى ەنەرگەتيكانى دامىتۋ ءۇشىن زور الەۋەتى بار. ءبىزدىڭ بولجامدارىمىزعا سايكەس، 2030 جىلعا قاراي ەنەرگيا تەڭگەرىمىندەگى جەك ۇلەسى كەم دەگەندە 15%-دى قۇراۋى ءتيىس»، دەدى قاسىم-جومارت توقاەۆ «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» اتتى حالىقارالىق كونفەرەنتسيادا.

سونداي-اق، پرەزيدەنت وسى باعىتتا قابىلدانىپ جاتقان شارالارعا توقتالدى.

«ول ءۇشىن ءبىز نورماتيۆتىك ورتانى جەتىلدىرەمىز، بارىنشا تارتىمدى جاعدايلار جاسايمىز. ءبىزدىڭ ستراتەگيالىق حالىقارالىق ارىپتەستەرىمىزبەن بىرقاتار جوبالارعا بەلگىلى ءبىر ءۇمىت ارتامىز. قازاقستان جاسىل قارجىلاندىرۋعا كوپ كوڭىل بولەدى – استانا حالىقارالىق قارجى ورتالىعىنىڭ بازاسىندا «جاسىل قارجى ورتالىعى» جۇمىس ىستەيدى»  دەگەن مەملەكەت باسشىسى قازاقستاندىق «دامۋ» ينستيتۋتى بۇۇ دامۋ باعدارلاماسىمەن بىرلەسىپ «جاسىل وبليگاتسيالاردى» بيرجاعا ءساتتى شىعارعانىن ەسكە سالدى.

«بيىل قازاقستان قور بيرجاسىندا قازاقستانداعى بالامالى ەنەرگەتيكا نىساندارىن قارجىلاندىرۋ ءۇشىن ازيا دامۋ بانكىنىڭ جاسىل وبليگاتسيالارىنىڭ 2 ءونىمى شىعارىلدى»، دەپ تۇيىندەدى پرەزيدەنت.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار