اسكەري سىناقتاردىڭ سوڭعى كەزەڭىنىڭ التى ايىندا قازاقستاندىق ءوندىرىستىڭ جاۋىنگەرلىك كولىگى (وقشاۋلاندىرۋ 72%) وڭتۇستىك قازاقستاننىڭ تاۋلى جەرلەرىندە, ورتالىق قازاقستاننىڭ دالالارى مەن سورتاڭدارىندا جانە كاسپي تەڭىزىنىڭ جانىنداعى ماڭعىستاۋ قۇمدارىندا تەكسەرۋدەن ءوتتى, جالپى العاندا 25 000 كم قاشىقتىقتى ءجۇرىپ ءوتىپ, 30 مم كاليبرلى 5 000 سناريادتى جانە 7,62 كاليبرلى 7 000 پاتروندى پايدالاندى.
ماشينا وتاندىق «Shugyla» پلاتفورماسىنىڭ نەگىزىندەگى باعدارلامالىق جاساقتامانى قوسا العاندا, قازاقستاندىق «Ansar» جاۋىنگەرلىك مودۋلىمەن (Remote Controlled Weapon Station – وتتى قاشىقتىقتان باسقارۋدىڭ جاۋىنگەرلىك ءمودۋلى) جابدىقتالعان.
«بارىس 8ح8» - وزىق تەحنولوگيالىق شەشىمدەرمەن جابدىقتالعان كوپماقساتتى قۇرىشتالعان ماشينا. قدم كوپ فۋنكتسيونالدىلىق, جوعارى ۇتقىرلىق جانە ميناعا قارسى پلاتفورمالاردى ورناتۋ قاجەتتىلىگى بويىنشا ايماقتاعى ءوسىپ كەلە جاتقان تالاپتاردىڭ سايكەستىگىن ەسكەرە وتىرىپ ازىرلەندى.
«بارىس 8ح8» مينالاردان, قولدان جاسالعان جارىلعىش قۇرىلعىلاردان, جول بويىنداعى قابىقسىز قوپارىلعىشتاردان مۇلتىكسىز قورعانىستى قامتاماسىز ەتۋگە مۇمكىندىك بەرەدى.
ميناعا قارسى تەگىس ءتۇبى سيلۋەتتى 2.4 مەترگە دەيىن ازايتۋعا مۇمكىندىك بەرەدى, سونىمەن قاتار ۇرىستا قولدان جاسالعان جارىلعىش قۇرىلعىلارعا قارسى قوسىمشا ارتىقشىلىقتار بەرەدى.
ارنايى «ميناعا قارسى» ورىندىقتارى كولىكتىڭ جانىندا نەمەسە تىكەلەي استىندا بولعان جارىلىستىڭ ىقپالىنان تۋىنداعان ەكسترەمالدى جىلدامدىق جاعدايىندا ەكيپاج جارالانۋىنىڭ الدىن الۋعا ارنالعان.
ەڭ جوعارعى جىلدامدىعى ساعاتىنا 100 كم. پايدالى جۇكتەمەسى 6,5 توننا. ءجۇرىس قورى 500 كم. ميناعا قارسى قورعانىسى STANAG 4569, 4B دەڭگەيى.
«اڭسار» - ادامدار مەكەندەيتىن جاۋىنگەرلىك اۆتوماتتىق كەشەن. قاشىقتىقتان باسقارىلاتىن, مۇنارالى تيپتەگى, 30 مم 2ا72 اۆتوماتتىق زەڭبىرەگى بار, تۇراقتاندىرۋشى تىرەك وقپانىمەن, 7,62 مم كتپ (م) پۋلەمەتىمەن قوسارلانعان, وق-دارىلەردى ساقتاۋ, بەرۋ جانە وقتاۋ جۇيەسىمەن, 81 مم تۇتىندەتكىش گراناتالاردى ۇشىرۋ قوندىرعىلارىمەن جابدىقتالعان. باعىتتاۋشى بتقز ۇشىرۋ قوندىرعىلارىن ورناتۋ قاراستىرىلعان.
جىلجىمالى تيپتەگى ىزدەۋ-كوزدەۋ كەشەنى تەلەۆيزيالىق كامەرامەن, جىلۋعا دەن قويعىشپەن, لازەرلىك قاشىقتىق ولشەۋىشپەن, تۇنگى كورۋ اسپاپتارىمەن, مەتەوستانتسيامەن جاراقتالادى. قوسىمشا زىمىران كەشەنىن باعىتتاۋ اسپابى ورناتىلۋى مۇمكىن. تومەن ۇشاتىن اۋە نىساندارىن قيراتۋعا قابىلەتتى.
بۇل وقيعا وكىلدەرىن سالالىق قاۋىمداستىق بىرىكتىرەتىن قازاقستاندىق قورعانىس-ونەركاسىپ كەشەنىنىڭ جوعارى الەۋەتىن كورسەتەدى.
