سىيلىق ءۇش جۋرناليستكە بەرىلەدى. ونىڭ ىشىندە ەكى سىيلىق – قازاق ءتىلىنىڭ مارتەبەسىن ارتتىرۋ ماقساتىندا جاريالانعان ماتەريالدار ءۇشىن, ءبىر سىيلىق – ورىس تىلىندە جاريالانعان ماتەريالدار ءۇشىن.
بايقاۋعا قابىلداناتىن جۇمىستىڭ نەگىزگى تاقىرىپتارى:
1. قازاقستاندىق سپورتشىلاردىڭ الەم, ازيا چەمپيوناتتاردا, حالىقارالىق گران-پري, «ا» ساناتىنداعى تۋرنيرلەردە, قازاقستان چەمپيوناتتارى مەن بىرىنشىلىكتەرىندە (جاسوسپىرىمدەر, ت. ب.) ونەر كورسەتۋى;
2. ەلىمىزدەگى باق-تا بالالار, بۇقارالىق, دەنە مۇمكىندىگى شەكتەۋلى ازاماتتارعا ارنالعان جانە ۇلتتىق سپورت تۇرلەرىن (پاراليمپيادا باسەكەلەرى, ۇلتتىق سپورت تۇرلەرىنەن فەستيۆالدەر, اۋىل ويىندارى جانە ت. ب.) ناسيحاتتاۋ;
3. دەنە شىنىقتىرۋ مەن سپورت ماسەلەلەرىن كوتەرەتىن جانە ولاردى شەشۋ جولدارىن ۇسىناتىن ماقالالار, ماتەريالدار, باعدارلامالار, وچەركتەر;
4. قازاقستاندىق سپورتشىلاردىڭ ليتسەنزيالىق جارىستاردا ونەر كورسەتۋى جايلى تەلەۆيزيا جانە راديو باعدارلامالار, فيلمدەر, وچەركتەر, گازەتتەر مەن جۋرنالدارداعى, ەلەكتروندى پورتالدارداعى ماتەريالدار;
5. قازاقستاندىق جازۋشىلاردىڭ اۆتورلىق جۇمىسى (كىتاپتار, سپورت ەنتسيكلوپەديالارى جانە ت. ب.);
بايقاۋ جەڭىمپازدارى «سەيداحمەت بەردىقۇلوۆ اتىنداعى سىيلىقتىڭ لاۋرەاتى» توسبەلگىسىمەن, قارجىلاي سىياقىمەن جانە ارنايى ديپلوممەن ماراپاتتالادى.
وتىنىمدەر مەن جۇمىستاردى committeesportkaz@gmail.com ەلەكتروندى ادرەسىنە («بەردىقۇلوۆ اتىنداعى سىيلىق. 2021 جىل» تاقىرىبىمەن) جولدانادى, بايقاۋ 26 قازانعا دەيىن جالعاسادى.
