ۇكىمەت • 12 قازان، 2021

مينيستر مەملەكەتتىك قىزمەتتەر ۋاقىتى قىسقاراتىنىن ايتتى

83 رەت كورسەتىلدى

بۇگىن ۇكىمەت وتىرىسىندا قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين سالاداعى ۇلتتىق جوبانى تانىستىردى، دەپ حابارلايدى Egemen.kz.

«تسيفرلاندىرۋ، عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسىنا توقتالساق، ونى ىسكە اسىرۋ اياسىندا ءتيىستى كورسەتكىشتەرگە قول جەتكىزۋ جوسپارلانعان.

ينتەرنەت جەلىسىنىڭ ەنۋ دەڭگەيى، ياعني پايدالانۋشىلاردىڭ سانى 91-دەن 95 پايىزعا جەتكىزۋ، مەملەكەتتىك قىزمەتتەردى 9 كۇننەن 5 مينۋتقا دەيىن قىزمەت كورسەتۋ ۋاقىتىن قىسقارتۋ، بيزنەستەن تالاپ ەتىلەتىن دەرەكتەردىڭ 50% ونلاين ەسەپكە الۋ، قازاقستان اۋماعى ارقىلى «ازيا-ەۋروپا» جالپى ترانزيتتىك دەرەكتەردىڭ ترافيك دەڭگەيىن 3%-دان 8%-عا جەتكىزۋ ەسكەرىلگەن. سونىمەن قاتار IT-ەكسپورتى 500 ملن اقش دوللارىنا جەتكىزۋ، يننوۆاتسيالىق ءونىم كولەمىن 1،7-دەن 2،5 ترلن تەڭگەگە ارتتىرۋ، كوممەرتسيالاندىرۋ جوبالارىنىڭ جەكە قوسا قارجىلاندىرۋىن 50%-عا جوعارلاتۋ جوسپارلاندى. ءار ماقساتقا جەتۋ ءۇشىن ءتيىستى ءىس-شارالار قاراستىرىلعان»، دەدى ب. مۋسين.

ۇلتتىق جوبا 10 باعىت جانە 208 ءىس-شارادان تۇرادى، ولاردى ىسكە اسىرۋ 2025 جىلعا دەيىن جوسپارلانعان. ۇلتتىق جوبا ەكى بلوكقا بولىنگەن:

تسيفرلىق ترانسفورماتسيا، ول:

– قىزمەتتەردى 5 مينۋت ىشىندە كورسەتۋ;

– IT سالاسىن دامىتۋ;

– حالىق ۇنىنە قۇلاق اساتىن جانە ءتيىمدى مەملەكەت;

– ىڭعايلى ءومىر سۇرۋگە ارنالعان تسيفرلىق قۇرالداردى قولدانۋ;

– تەحنولوگيالىق جانە يننوۆاتسيالىق بيزنەستى دامىتۋ;

– ساپالى ينتەرنەت پەن اقپاراتتىق قاۋىپسىزدىكتى قامتاماسىز ەتۋ.

عىلىم بلوگى;

– عىلىمي ەكوجۇيەنىڭ باسەكەگە قابىلەتتىلىگىن ارتتىرۋ;

– ەلدىڭ دامۋىنا عىلىمنىڭ ۇلەسىن ارتتىرۋ، ياعني عىلىم-ءوندىرىس-بيزنەس ءپرينتسيپىن قولدانۋ;

– عىلىمدى اكىمشىلەندىرۋدى جەتىلدىرۋ. ۇلتتىق جوبانى ىسكە اسىرۋ ءۇشىن 1،4 ترلن تەڭگە مولشەرىندە بيۋدجەتتىك قاراجات ءبولۋ تالاپ ەتىلەدى.

ونىڭ ىشىندە تسيفرلاندىرۋ جانە يننوۆاتسيالارعا 587،8 ملرد تەڭگە جانە عىلىم باعىتىنا 833 ملرد تەڭگە قاراستىرىلعان. جالپى، ۇلتتىق جوبانى ىسكە اسىرۋ ءۇشىن 800 ملرد تەڭگە جەكە ينۆەستيتسيانى تارتۋ قاراستىرىلعان.

«IT سالاسىنىڭ دامۋى» باعىتى بويىنشا جىل سايىنعى ەكسپورتتى 500 ملن اقش دوللارعا جەتكىزۋ، جالپى 500 ملرد تەڭگە ينۆەستيتسيا تارتۋ ءۇشىن 100 مىڭ جۇمىس ورنىن قۇرۋ قاراستىرىلعان. سونداي-اق كريپتويندۋستريانىڭ الەمدىك اينالىمىنان كىرىستىڭ 1%-ىن تارتۋ، كورشى مەملەكەتتەرگە قىزمەت كورسەتە الاتىن DATAHUB قۇرۋ ەسكەرىلگەن»، دەدى مينيستر.

«حالىق ۇنىنە قۇلاق اساتىن جانە ءتيىمدى مەملەكەت» باعىتىندا:

- مەملەكەتتىك ورگانداردىڭ قۇجات اينالىم كولەمىن 50%-عا تومەندەتۋ، ياعني تسيفرلىق تەحنولوگيالاردى پايدالانۋدىڭ ارقاسىندا قۇجات اينالىمىن قىسقارتۋ;

- سالالار دەرەكتەرىنىڭ 50%-ىن تسيفرلىق فورماتتا ەسەپكە الۋ.

- سمارتفون ارقىلى ازاماتتاردىڭ مەملەكەتتىك ورگاندارمەن ءوزارا بايلانىسى مەن مەملەكەتتىك ورگانداردى باعالاۋ قاراستىرىلعان.

«ينتەرنەت جەلىسىنە ەنۋ دەڭگەيىنىڭ 95%-عا قول جەتكىزۋ ءۇشىن مىناداي قۇرالداردى ەنگىزۋ جوسپارلانۋدا: تومەن وربيتاداعى سپۋتنيكتەردى پايدالانۋ، اۋىل شارۋاشىلىعى تاۋارلارىن وندىرۋشىلەر بايلانىس قىزمەتتەرىن سۋبسيديالاۋ، 5G-ءدى وبلىس ورتالىقتارىندا جانە رەسپۋبليكالىق ماڭىزى بار قالالاردا ەنگىزۋ»، دەدى مينيستر.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار