بۇگىنگى ۇكىمەتتىڭ كەزەكتى وتىرىسىندا ۇلتتىق بانك توراعاسى ەربولات دوساەۆ الەمدىك ەكونوميكا قالپىنا كەلە باستاعاندىقتان شيكىزات باعاسى وسكەنىن اتاپ ءوتتى.
«وسى جىلدىڭ تامىزىندا ونەركاسىپتىك شيكىزات قۇنى نەگىزىنەن قىتاي مەن دامىعان ەلدەر تاراپىنان جوعارى سۇرانىسقا بايلانىستى بازالىق مەتالداردىڭ 42,6%-عا قىمباتتاۋى ەسەبىنەن 38,5%-عا ءوستى. وسى كەزەڭدە اۋىل شارۋاشىلىعى شيكىزاتى 22,7%-عا قىمباتتادى.
بيىلعى قىركۇيەكتە وسىمدىك مايى, ءداندى داقىلدار, ءسۇت ونىمدەرى مەن قانت باعاسىنىڭ كوتەرىلۋى ناتيجەسىندە بۇۇ-نىڭ ازىق-ت ۇلىك جانە اۋىلشارۋاشىلىق ۇيىمى (فاو) ازىق-ت ۇلىك باعالارىنىڭ يندەكسى 130%-عا دەيىن ءوستى. ءبىر جىل ىشىندە فاو يندەكسى 32,8%-عا كوتەرىلگەن.
Baltic Dry Index باعالاۋى بويىنشا 2019 جىلعى جەلتوقسانمەن سالىستىرعاندا باعاسى 5,4 ەسە, 2020 جىلعى مامىرمەن سالىستىرعاندا – 10 ەسە وسكەن», دەيدى باس قارجىگەر.
ال باياندامادا قازاقستاندا ينفلياتسيا 8,9% ەكەنى ايتىلدى. سوڭعى ءبىر ايدا ەت (1,3%), وسىمدىك مايى (0,6%) جانە قانت (1,1%) باعاسىنىڭ وسۋىنە بايلانىستى 11,4%-دان 11,5%-عا دەيىن وسكەنى ايتىلدى.
«ازىق-ت ۇلىككە جاتپايتىن ينفلياتسيا قىركۇيەكتە ديزەل ء(بىر ايدا 3,8%), گاز (0,9%) جانە كومىر (1,9%) باعاسىنىڭ كوتەرىلۋى اياسىندا 7,3%-تەن 7,5%-كە دەيىن 0,2 پايىزدىق تارماققا ءوستى. جانار-جاعار مايدىڭ قىمباتتاۋى ءداندى-داقىلدار باعاسىنىڭ وسۋىنە الىپ كەلدى. بۇعان قوسا, كورشى ەلدەردەگى باعانىڭ قىمباتتاۋى دا تىكەلەي اسەر ەتىپ وتىر», دەيدى ۇلتتىق بانك توراعاسى.
بەلگىلى بولعانداي. ۇلتتىق بانك ينفلياتسيا ءدالىزىن 7,5-8,5%-عا قايتارۋعا كۇش سالۋدا.
