“داريعا-جۇرەك” ءان بايقاۋى ءوتتى

تالدىقورعاندا اقيىق اقىن مۇ­قا­­عالي ماقاتاەۆتىڭ ولەڭىنە جازىل­عان اندەردى ورىنداۋشى­لاردىڭ “دا­ري­عا جۇرەك” اتتى باي­قاۋى ءوتتى. وبلىس باسشىسىنىڭ باستاماسىمەن وتكەن بۇل بايقاۋعا الماتى مەن سەمەي قالا­لارىنان جانە جامبىل, قاراعان­دى, الماتى وبلىستارىنان كەلگەن جيىرمادان استام ۇمىتكەر قاتىستى. “داريعا جۇرەك” ءان بايقاۋىندا وبلىس باسشىسى سەرىك ۇمبەتوۆ ءسوز سويلەدى. “اقىنىن ارداقتاعان ەل از­باي­دى” دەپ باستاعان سەرىك ابىكەن­ ۇلى مۇقاعاليدىڭ ولەڭدەگى بيىك ورەسى جايلى ورامدى ويىن ورتاعا سالدى. مۇقاعاليدىڭ تاۋ قويناۋىن­دا جاتقان شاعىن قاراساز اۋىلى­نىڭ عانا ەمەس, ءيىسى قازاق بالاسى­نىڭ ماقتانىشىنا اينالعان الىپ تۇلعا ەكەنىن اتاپ ءوتتى. تالدىقور­عان­نىڭ تورىندە باستالعان ءان مەن جىر كەشىنىڭ اقىننىڭ 80 جىلدىق مە­رەي­تويىندا قاراساز اۋىلىندا رەس­پۋب­ليكالىق دەڭگەيدە قورىتىن­دىلا­ناتىنىن جەتكىزىپ, بايقاۋعا قاتىسۋ­شى ۇمىتكەرلەرگە ساتتىلىك تىلەدى. بايقاۋ شىمىلدىعىن ەڭ الدى­مەن وسى شاراعا ارنايى كەلگەن قو­ناق­تار باستادى. ساحنا تورىنەن ەسترا­­دا ءانشىسى مەرۋەرت تۇسىپباەۆا ونەر كورسەتسە, كەلەسى كەزەكتە قازاق­ستان­­نىڭ حالىق ءارتىسى نۇرعالي ءنۇسىپ­­جانوۆ اننەن شاشۋ شاشتى. بۇدان كەيىن ەل الدىنا شىققان “مۇقا­عالي” جۋرنالىنىڭ باس رەداك­تورى, اقىن باتىق ءماجيت ۇلى مۇقاعالي­دىڭ 80 جىلدىق مەرەي­تويىن ءبىر جىل بۇرىن وبلىس ورتالىعىنان وسىنداي جوعارى دەڭگەيدە باستاعان وبلىس اكىمىنە العىسىن ءبىلدىردى. سونىمەن ءبىر كۇن بويى ساز سي­قى­­­رىنا بولەگەن “داريعا جۇرەك” ءان باي­قاۋى دا ءوز مارەسىنە جەتتى. ءبىر ايتا كەتەتىن ءجايت, ەكىنشى اينا­لىمعا وتپەگەن انشىلەر دە العىس حات پەن 30 مىڭ تەڭگەدەن سىياقى الىپ قايت­تى. جۇلدە قورى 50 مىڭ تەڭگەنى قۇراعان ىنتالان­دىرۋ سىيلىعى جەتى انشىگە تابىس ەتىلدى. ال 75 مىڭ تەڭگەدەن ءۇش ءۇشىنشى ورىندى قانات, ايتكۇل قۇداي­بەر­گەنوۆتەر, ساندۋعاش ستام­عا­زيەۆا جانە الماتىدان كەل­گەن بايقاۋدىڭ ەڭ جاس ۇمىتكەرى, ون ءۇش جاسار كارينا القوجاەۆالار يەلەندى. جۇلدەلى ەكىنشى ورىندى جامبىل وبلى­سىنان كەلگەن فاريزا دوسبولوۆا مەن الماتىلىق گۇلدەن جۇماباي قانجىعالارىنا بايلادى. ءبىرىنشى ورىندى يەلەنگەن الما­تى وبلىستىق ءسۇيىنباي اتىنداعى فيلارمونيانىڭ ءانشىسى ەسەنگەلدى رزاعا قوماقتى اقشالاي سىيلىق بە­رىل­سە, “داريعا جۇرەك” ءان باي­قاۋى­نىڭ باس جۇلدەسىن تەك قانا قىز­دار­دان قۇرىلعان جەتىسۋ مەم­لەكەتتىك ۋني­ۆەر­سيتەتىنىڭ ء“مولدىر” ءانسامبلى يەلەنىپ, ونەرپاز ۇجىم 300 مىڭ تەڭگە اقشالاي سىيلىقپەن ماراپات­تالدى. كۇمىسجان بايجان. الماتى وبلىسى.