ايماقتار • 11 قازان، 2021

جەلتوقسان كوتەرىلىسىنە قاتىسقان 516 ادام اقتالدى

126 رەت كورسەتىلدى

الماتى قالاسىندا جەلتوقسان كوتەرىلىسىنە قاتىسىپ، اقتالعانداردىڭ سانى 516 ادامعا جەتتى. بۇل جايىندا ءماجىلىس دەپۋتاتتارىنىڭ ساۋالىنا قر پرەمەر-ءمينيسترىنىڭ ورىنباسارى ەرالى توعجانوۆ جاۋابىندا ايتتى، دەپ حابارلايدى Egemen.kz.

«جەلتوقسان قاھارماندارىنىڭ ەرلىگىن ناسيحاتتاۋ ماقساتىندا دەرەكتى فيلم تۇسىرىلۋدە. ستۋدەنت جاستار اراسىندا حالىق قاھارمانى ق.رىسقۇلبەكوۆتىڭ قۇرمەتىنە بوكستان، ە.سىپاتاەۆتىڭ قۇرمەتىنە قازاق كۇرەسىنەن تۋرنير ۇيىمداستىرىلادى. قازاقتىڭ باتىر قىزدارى ل.اسانوۆانىڭ، س.مۇحامەدجانوۆانىڭ جانە ك.مولدانازاروۆانىڭ قۇرمەتىنە وڭىرلەردە وقۋشىلار اراسىندا شىعارماشىلىق پاتريوتتىق ءىس-شارا وتكىزىلەدى. جالپى ەلىمىزدە جەلتوقسان قاھارماندارىنا ارنالعان الاڭدار اشۋ، ەسكەرتكىش، مونۋمەنتتەر ورناتۋ بويىنشا جۇمىس بيۋدجەتتىڭ مۇمكىندىكتەرىنە سايكەس جۇرگىزىلۋدە»، دەپ جاۋاپ بەرەدى ەرالى توعجانوۆ.

ۆيتسە-پرەمەردىڭ دەرەگىنشە، تاۋەلسىزدىك العان ۋاقىتتان بەرى ەلىمىزدە جەلتوقسان وقيعاسى مەن ونىڭ قاتىسۋشىلارى ەسىمىمەن 111 نىسان اشىلدى. بۇدان بولەك، قر پرەزيدەنتىنىڭ 1991 جىلعى 12 جەلتوقسانداعى № 540 جارلىعىنا سايكەس ەلىمىزدە جەلتوقسان وقيعاسىنا قاتىسقان ازاماتتار قىلمىستىق، اكىمشىلىك جانە تارتىپتىك جاۋاپتىلىقتان بوساتىلدى.

«1986 جىلى جەلتوقسان كوتەرىلىسىنە قاتىسىپ، وقۋدان، جۇمىستان شىعىپ قالعان ازاماتتار «اقتاۋ تۋرالى» انىقتامانى قولدانىستاعى زاڭناماعا سايكەس ءوزىنىڭ دالەلدى قۇجاتتارىن جەرگىلىكتى پروكۋراتۋرا ورگاندارىنا ۇسىنۋ ارقىلى الا الادى. انىقتاما الۋ ءتارتىبى بارىنشا جەڭىلدەتىلگەن. 2020 جىلى الماتى قالاسىندا اقتالعان جەلتوقساندىقتاردىڭ سانى 400 ادام بولسا، 2021 جىلى 516 ادامدى قۇرادى»، دەدى ۇكىمەت باسشىسىنىڭ ورىنباسارى.

 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار