بۇل تۋرالى ريا نوۆوستي ءمالىم ەتتى.
بولسوناردىڭ ايتۋىنشا, ول «سانتوس» ويىنىن كورگىسى كەلگەن, بىراق ودان ۆاكتسيناتسيا العانىن دالەلدەيتىن قۇجات تالاپ ەتكەن.
«ەگۋ كارتاسى, تولقۇجات نەلىكتەن قاجەت؟ مەندەگى انتيدەنە مولشەرى ۆاكتسينا العانداردان كوبىرەك», دەيدى ول.
برازيليا پرەزيدەنتى 2020 جىلدىڭ شىلدەسىندە COVID-19 ينفەكتسياسىمەن اۋىرعان. بۇگىنگە دەيىن ول ەكپە الماعان. سول سياقتى ول نيۋ-يوركتەگى مەيرامحانالاردىڭ بىرىنە ەكپە الماعانى ءۇشىن كىرە الماعان.
ايتا كەتەيىك, بىرەر اپتا بۇرىن برازيليادا مىڭداعان ادامنىڭ قاتىسۋىمەن ەل پرەزيدەنتىنە قارسى شەرۋ وتكەن. شەرۋگە قاتىسۋشىلار پرەزيدەنتتىڭ پاندەميامەن كۇرەستەگى سىلبىرلىعىنا شاعىمىن بىلدىرگەن.
