«انتيتسيكلون جوتاسى رەسپۋبليكانىڭ باتىس جارتىسىنا ءالى دە اسەرىن ساقتاعاندىقتان, سونىمەن جاۋىن-شاشىنسىز اۋا رايى بولۋى مۇمكىن. رەسپۋبليكانىڭ شىعىس اۋماعىندا تسيكلوننىڭ جانە اتموسفەرالىق فرونتالدى بولىكتەردىڭ اسەرىنەن جاۋىن-شاشىن جاۋادى, وڭتۇستىك-شىعىس بولىگىندە تاۋلى اۋداندارىندا قاتتى جاۋىن-شاشىن (جاڭبىر, قار) بولادى. ەلىمىزدىڭ وڭتۇستىك-باتىسىندا, سولتۇستىگىندە, وڭتۇستىك-شىعىسىندا, شىعىسىندا جەلدىڭ كۇشەيۋى, وڭتۇستىك-باتىسىندا شاڭدى داۋىل سوعىپ, تۇمان تۇسەدى, سولتۇستىگىندە كوكتايعاق بولادى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, جامبىل وبلىسىنىڭ سولتۇستىك-شىعىسىندا جانە تاۋلى اۋداندارىندا تۇمان تۇسەدى, وڭتۇستىك-باتىسىندا جەل 15-20, ەكپىنى 25 م/س كۇشەيەدى.
اقمولا وبلىسىنىڭ شىعىس جارتىسىندا تۇمان ءتۇسىپ, كوكتايعاق بولادى, كۇندىز وبلىستىڭ وڭتۇستىك-شىعىسىندا جەل 15-20 م/س كۇشەيەدى.
الماتى وبلىسىنىڭ تاۋلى جانە تاۋ بوكتەرىندە تۇمان ءتۇسىپ, تۇندە باتىسىندا, كۇندىز وبلىستىڭ شىعىسىندا جەل 15-20 م/س كۇشەيەدى.
كۇندىز قىزىلوردا وبلىسىنىڭ ورتالىعىندا جەل 15-20 م/س كۇشەيەدى, شاڭدى داۋىل سوعادى.
قوستاناي وبلىسىنىڭ سولتۇستىگىندە تۇمان تۇسەدى, وڭتۇستىگىندە جەل 15-20 م/س كۇشەيەدى.
شىعىس قازاقستان وبلىسىنىڭ باتىسىندا 15-20 م/س جەل كۇشەيەدى.
تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىگىندە تۇمان تۇسەدى.
اتىراۋ وبلىسىنىڭ سولتۇستىگىندە, باتىسىندا, تۇندە جانە تاڭەرتەڭ ماڭعىستاۋ وبلىستارىندا تۇمان تۇسەدى.
تۇندە جانە تاڭەرتەڭ اقتوبە وبلىسىنىڭ سولتۇستىگىندە, سولتۇستىك-شىعىسىندا تۇمان تۇسەدى.
تۇندە جانە تاڭەرتەڭ تۇركىستان وبلىسىنىڭ تاۋلى اۋداندارىندا تۇمان تۇسەدى.
