ايماقتار • 08 قازان, 2021

تاراز جانە تۇركى تاريحىنا ارنالعان تاعىلىمدى جيىن

417 رەت
كورسەتىلدى
1 مين
وقۋ ءۇشىن

بۇگىن تاراز قالاسىندا حالىقارالىق تۇركى اكادەمياسى مەن جامبىل وبلىسى اكىمدىگىنىڭ ۇيىمداستىرۋىمەن «تاراز جانە تۇركى وركەنيەتى» اتتى عىلىمي-پراكتيكالىق كونفەرەنتسيا ءوتتى, دەپ حابارلايدى Egemen.kz.

تاراز جانە تۇركى تاريحىنا ارنالعان تاعىلىمدى جيىن

جيىندى جۇرگىزگەن حالىقارالىق تۇركى اكادەمياسىنىڭ پرەزيدەنتى, رەسپۋبليكالىق «ەگەمەن قازاقستان» گازەتىنىڭ باسقارما توراعاسى دارحان قىدىرالى تاراز شاھارىنىڭ تەرەڭ تاريحىنا توقتالدى.

تاراز ەجەلدەن تاريحقا باي قالا ەكەنىن ايتتى. سونىمەن قاتار, كونفەرەنتسيا قاتىسۋشىلارىنا ەلىمىزدىڭ مەملەكەتتىك حاتشىسى قىرىمبەك كوشەرباەۆتىڭ حاتىن وقىپ بەردى. ال, ءوز سوزىندە جامبىل وبلىسىنىڭ اكىمى بەردىبەك ساپارباەۆ اتالعان جيىننىڭ ماڭىزدىلىعىن اتاپ ءوتتى.

سونداي-اق, ەلىمىزدىڭ مادەنيەت جانە سپورت مينيسترلىگى ارحيۆ ءىسى جانە قۇجاتتامانى باسقارۋ كوميتەتىنىڭ توراعاسى قۋات بوراش مينيستر اقتوتى رايىمقۇلوۆانىڭ حاتىن جەتكىزىپ, تاراز تاريحى جونىندە ءوز ويىمەن ءبولىستى.ە

جيىن بارىسىندا پارلامەنت ءماجىلىسىنىڭ دەپۋتاتى بەرىك ابدىعالي ۇلى, نازارباەۆ ۋنيۆەرسيتەتىنىڭ وقىتۋشىسى شاميلوعلى يۋلاي, جاپونيا مەملەكەتىنەن ونلاين قاتىسقان «نارا» ۇلتتىق مادەني مۇرا مەن ۇلتتىق مادەني قۇندىلىقتاردى زەرتتەۋ ينستيتۋتىنىڭ زەرتحانالىق ارحەولوگيا سەكتسياسىنىڭ ديرەكتورى ساداكاتتسۋ كۋنيتاكە, قىرعىز-ماناس نەگيزبەك شابداناليەۆ, ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ جەتەكشى عىلىمي قىزمەتكەرى, پروفەسسور الىمعازى داۋلەتحان, تاريح عىلىمدارىنىڭ دوكتورى بەرەكەت كارىباەۆ جانە وزگە دە عالىمدار تاراز تاعىلىمى, تۇركى وركەنيەتى تۋرالى وي-پىكىرلەرىن ورتاعا سالدى.

سونىمەن قاتار, كونفەرەنتسيا جۇمىسى « ۇلى تالاس قۇرىلتايى: التىن وردا», «اتلاح شايقاسى جانە جاڭا وركەنيەت», «تاراز جانە تۇركى الەمى», «ماڭگىلىك ەل يدەياسى جانە تۇركى ەلدەرى» اتتى سەكتسيالارعا ءبولىنىپ, جۇمىسىن جالعاستىردى.

سوڭعى جاڭالىقتار