بۇدان بۇرىن, «بىرلىك گاز» قاۋىمداستىعىنىڭ ءوتىنىشى بويىنشا تابيعي مونوپوليالاردى رەتتەۋ كوميتەتىنىڭ الماتى وبلىسى بويىنشا دەپارتامەنتى 2020 جىلعى 1 قىركۇيەكتەگى «قازترانسگاز ايماق» اق جەتىسۋ وندىرىستىك فيليالىنىڭ اتىنا شاعىم تۇسكەن. اتالعان مەكەمە تۇتىنۋشىلاردى گازبەن جابدىقتاۋ جەلىلەرىنە قوسۋ مەرزىمىن بۇزۋ تاجىريبەسىن توقتاتۋ جانە قوسىمشا ماتەريالداردى تالاپ ەتە وتىرىپ, گازبەن جابدىقتاۋ جەلىلەرىنە قوسۋدان باس تارتۋ, سونداي-اق گازبەن جابدىقتاۋ جەلىلەرىنە قوسقانى جانە ەسەپتەۋ اسپاپتارىن پلومبالاعانى ءۇشىن اقى الدى دەپ ايىپتالدى.
بىراق كومپانيانىڭ ءوزى بۇل ۋاجبەن كەلىسپەي, وبلىستىق سوتقا وسى نۇسقامانىڭ كۇشىن جويۋ تۋرالى ارىز بەرگەن. ناتيجەسىندە الماتى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2021 جىلعى 13 قاڭتارداعى شەشىمىمەن ۇيعارىمنىڭ كۇشى جويىلدى. بۇل جاعدايدان كەيىن دەپارتامەنت ءبىرىنشى ساتىداعى سوت شەشىمىمەن كەلىسپەي, الماتى وبلىستىق سوتىنا اپەللياتسيالىق شاعىم تۇسىرگەن.
ءسويتىپ, الماتى وبلىستىق سوتىنىڭ ازاماتتىق ىستەر جونىندەگى سوت القاسىنىڭ 2021 جىلعى 27 ساۋىردەگى قاۋلىسىمەن ءبىرىنشى ساتىداعى سوت شەشىمىنىڭ كۇشى جويىلادى.
ارتىنشا, «قازترانسگاز ايماق» اق وبلىستىق سوتتىڭ 2021 جىلعى 27 ساۋىردەگى قاۋلىسىمەن كەلىسپەي, بيىل 11 مامىردا وبلىستىق سوتتىڭ قاۋلىسىن جوعارعى سوتىنىڭ ازاماتتىق القاسىنا قايتا قاراۋ تۋرالى ءوتىنىشحات جىبەرەدى. بۇل ءوتىنىشتى جوعارى سوت قر قك ازاماتتىق ىستەر جونىندەگى سوت القاسىنا قاراۋعا بەرۋدەن باس تارتادى.
وسىلايشا, اكىمشىلىك قۇقىق بۇزۋشىلىق تۋرالى كودەكسىنىڭ 462-بابىنىڭ 3-بولىگى بويىنشا اكىمشىلىك ءىس قوزعالادى. سوتتىڭ 2021 جىلعى 27 قىركۇيەكتەگى قاۋلىسى بويىنشا «قازترانسگاز ايماق» اق-نىڭ جەتىسۋ فيليالى 1 458 500 تەڭگە كولەمىندە اكىمشىلىك ايىپپۇلعا تارتىلدى.
