قازىر اتالعان تاس جولدا جاڭا جۇيە سىناقتان وتكىزىلىپ جاتىر.
جول بويىنا شلاگباۋم كەدەرگىلەرى قويىلمايدى. كولىك قوزعالىسىن باسەڭدەتپەۋ ءۇشىن ولار ارنايى اركا ورناتىلعان. كولىك جۇرگىزۋ كەزىندە تولەم جۇرگىزۋشىنىڭ شوتىنان اۆتوماتتى تۇردە الىنىپ وتىرادى.
پاۆلودار-نۇر-سۇلتان تاس جولى ارقىلى كۇنىنە جەتى مىڭ كولىك وتەدى. ولاردىڭ كوپشىلىگى ترانزيتتىك اۋىر جۇك كولىكتەرى.
«قازاۆتوجول» ۇلتتىق كومپانياسىنىڭ مالىمەتىنشە, بارلىق تۇسكەن قاراجات بولاشاقتا جولدى كۇتىپ ۇستاۋعا جۇمسالادى. ازىرگە بۇعان رەسپۋبليكالىق بيۋدجەتتەن قارجى ءبولىنىپ وتىر.
