5 قازاننان بەرى كاسپي تەڭىزىنىڭ جاعالاۋىندا قامىس ورتەنىپ جاتىر. وبلىس ورتالىعىنان جالىن اۋماعىنا دەيىن شامامەن 50-60 شاقىرىم.
وڭتۇستىكتەن باتىسقا سوققان جەلدىڭ اسەرىنەن ءتۇتىن كورشىلەس رەسەي فەدەراتسياسىنىڭ استراحان وبلىسىنا تارالىپ جاتىر.
«7 قازاندا تاڭەرتەڭگى ساعات 10:30-دا «كازاۆياقۇتقارۋ» تىكۇشاعىمەن 5 ەكيپاج مۇشەسى جانە ءورت ءسوندىرۋ تەحنيكاسى بار 16 تج قىزمەتكەرلەرى وقيعا ورنىنا جىبەرىلگەن.
«كاسپي جاعالاۋىن اينالىپ ۇشۋ ناتيجەسىندە ەكى فرونتالدى وشاق تابىلدى, ولاردىڭ ءبىرى يساتاي مەن قۇرمانعازى اۋداندارىنىڭ شەكاراسىندا, ەكىنشىسى تەڭىز اۋىلدىق وكرۋگى ايماعىندا ورنالاسقان. جەكە قۇرام كاسپي تەڭىزىنىڭ جاعالاۋىنداعى ماقاش اۋىلدىق وكرۋگى ماڭىنا قوندى», دەپ حابارلادى اتىراۋ وبلىسى توتەنشە جاعدايلار دەپارتامەنتى.
قازىرگى ۋاقىتتا ءورت ءسوندىرۋ جۇمىستارى ءجۇرىپ جاتىر.
