قازاقستاندا 6 قازانعا دەيىن
CوVID-19-عا وڭ ناتيجەمەن 896 162 ناۋقاس جانە تەرىس ناتيجەمەن 76 517 جاعداي تىركەلدى. ىندەتپەن اۋىراتىن ناۋقاستاردىڭ شامامەن 92 پايىزى ساۋىعىپ شىقتى. ەپيدەميالىق جاعداي ماتريتساسىنا سايكەس, ءتورت ءوڭىر تاۋەكەلى جوعارى, ياعني «قىزىل ايماقتا» ورنالاسقان.
«كەيىنگى ايدا قازاقستاندا ەپيدەميالىق جاعدايدىڭ تۇراقتالۋى بايقالادى. تۇتاس ەلىمىز جانە 8 ءوڭىرىمىز تاۋەكەلى جوعارى ايماقتان تاۋەكەلى ورتاشا ايماققا كوشتى. تاۋەكەلى ورتاشا ايماقتان تاۋەكەلى تومەن, ياعني «جاسىل ايماققا» 3 ءوڭىر – جامبىل, ماڭعىستاۋ جانە قىزىلوردا وبلىستارى كوشتى», دەدى ا.تسوي.
قىركۇيەكتىڭ باسىمەن سالىستىرعاندا سىرقاتتانۋشىلىقتىڭ كۇندەلىكتى دەڭگەيى 2,4 ەسە تومەندەدى. ءبىر اي ىشىندە تارالۋ يندەكسى 1-دەن تومەن. ينفەكتسيالىق توسەكتىك ورىنداردىڭ قامتىلۋى 39 پايىزدان 33 پايىزعا دەيىن, رەانيماتسيالىق توسەكتىك ورىنداردىڭ قامتىلۋى 40 پايىزدان 31 پايىزعا دەيىن تومەندەدى. سونىمەن قاتار وتكەن ايدا اۋىر جانە وتە اۋىر ناۋقاستار سانى ەكى ەسە ازايعان.
«وقۋشىلار اراسىنداعى سىرقاتتانۋشىلىقتىڭ كۇندەلىكتى مونيتورينگىنە كەلەتىن بولساق, جالپى 9 185 كۆي جاعدايى تىركەلگەن. بۇل وقۋشىلاردىڭ جالپى سانىنىڭ 0,26%-ىن قۇرايدى. 102 مىڭنان اسا بايلانىستا بولعان ادام ايقىندالدى, ولاردىڭ 624-ىندە پتر-تەستتەردىڭ وڭ ناتيجەسى انىقتالدى. ستۋدەنتتەر اراسىندا اۋرۋدىڭ 1 282 جاعدايى تىركەلگەن. جوعارى وقۋ ورىندارىنىڭ ستۋدەنتتەرى اراسىندا سىرقاتتانۋشىلىقتىڭ تومەن دەڭگەيى ۆاكتسينانىڭ تيىمدىلىگىن تاعى دا ايقىن كورسەتتى», دەدى ۆەدومستۆو باسشىسى.
مينيستر حالىقتى كۆي-عا قارسى ۆاكتسينالاۋ تۋرالى ايتا وتىرىپ, بۇگىنگى تاڭدا جالپى ۆاكتسينانىڭ 14,4 ملن دوزاسى پايدالانىلعانىن العا تارتتى. ونىڭ ىشىندە ءبىرىنشى كومپونەنتپەن 7 766 146 ادام ەگىلگەن, بۇل ءتيىستى حالىقتىڭ 77,9%-ىن قۇرايدى, ال ەكىنشى كومپونەنتپەن 6 756 266 ادام نەمەسە 67,8% قامتىلعان. كوروناۆيرۋس ينفەكتسياسىنا قارسى ۆاكتسينالاۋدى قامتۋ بويىنشا كوشباسشىلار – شىعىس قازاقستان, تۇركىستان وبلىستارى, الماتى جانە شىمكەنت قالالارى.
سونىمەن قاتار ا.تسوي رfizer ۆاكتسيناسىن ەلگە اكەلۋ بويىنشا اتقارىلىپ جاتقان جۇمىستار بارىسىنا توقتالدى.
«رfizer بويىنشا اقتىق كەلىسىمشارتقا قول قويدىق. رfizer كومپانياسىندا كەلىسىمنىڭ بىرنەشە پروتسەسى بار. اقتىق كەلىسىمشارت بويىنشا شامامەن 4 ملن دوزا جەتكىزۋ جوسپارلانىپ وتىر. مەنىڭ ويىمشا, جۋىقتا, ءتورتىنشى توقساندا الۋمىز كەرەك. تيىسىنشە توڭازىتۋ جۇيەسى تولىقتاي تۇزىلەدى. جەتكىزۋ كەزەڭىنىڭ وزىندە قازاقستاننىڭ ءار وڭىرىندە توڭازىتۋ جۇيەسى بولادى. مۇنىڭ قاجەتتى 80 گرادۋستىق رەجىمگە ساي بولعانى كەرەك. سوندىقتان قاجەت جاعدايدىڭ ءبارى جاسالادى», دەگەن ۆەدومستۆو باسشىسى.
ونىڭ ايتۋىنشا, رfizer ۆاكتسيناسىن ساقتاۋدىڭ ءتاسىلى قولدانىستاعى تاسىلمەن ۇقساس.
ء«پرينتسيپى ۇقساس, تەك ساقتاۋ تەمپەراتۋراسىنىڭ رەجىمى عانا وزگەشە. سوندىقتان وڭىرلەردىڭ بارىندە قوسىمشا قوندىرعىلار ورناتىلادى. ۆاكتسينا كەلگەن كەزگە دەيىن توڭازىتۋ جەلىسى باسقا ۆاكتسينالارعا دا جارامدى بولادى. بۇل كەلەشەكتە دە ۆاكتسينالاردى بىرنەشە تەمپەراتۋرا رەجىمىندە كۇتىپ ۇستاۋدىڭ كوپ ساتىلى مەحانيزمىن قالىپتاستىرۋعا جول اشادى. قازىر الەمدە جاسالىپ جاتقان كەز كەلگەن ۆاكتسينانى ساقتاۋدىڭ مۇمكىندىگى پايدا بولادى», دەدى ا.تسوي.
ءسويتىپ قازان مەن قاراشا ايلارىندا ەلىمىزگە Pfizer-ءدىڭ 4 ملن دوزاسى جەتكىزىلمەك. بۇل 2 ملن ادامدى ەكپەمەن قامتۋعا مۇمكىندىك بەرەدى.
تۇماۋ جانە جرۆي بويىنشا ەپيدەميالىق ماۋسىمنىڭ باستالۋىنا بايلانىستى دەنساۋلىق ساقتاۋ مينيسترلىگى سىرقاتتانۋشىلىققا, حالىقتى ۆاكتسينالاۋعا مونيتورينگ جۇرگىزۋدە. رەسپۋبليكادا 1 قىركۇيەكتەن باستاپ جرۆي-ءدىڭ 850 جاعدايى تىركەلدى, تۇماۋ انىقتالعان جوق. جالپى, بۇگىندە تۇماۋعا قارسى 694 710 ادام ەگىلدى, ونىڭ ىشىندە 684 051-ءى – تەگىن, 9 370-ءى – جۇمىس بەرۋشىلەر ەسەبىنەن جانە 1 289-ءى – اقىلى نەگىزدە. حالىقتى ەكپەمەن قامتۋدىڭ ەڭ كوپ پايىزى تۇركىستان (9,8%), پاۆلودار (4,3%), قاراعاندى (3,9%) وبلىستارىندا جانە شىمكەنت قالاسىندا (3,4%) بايقالادى.
