«پاراسات جولى» ورتالىعىندا وتكەن شاراعا «شىمكەنت-ادالدىق الاڭى» جوبالىق كەڭسەسىنىڭ باسشىسى ج.قامبار, كىتاپحانا قىزمەتكەرلەرى مەن وقىرماندارى, بارلىعى 40-قا جۋىق ادام قاتىستى.
ماقسات – جازۋشىنىڭ شىعارمالارى, قىزىقتى وقيعالارى ارقىلى جاستار اراسىندا پاراساتتىلىق قۇندىلىقتارىن دارىپتەۋ بولىپ تابىلادى.
كەزدەسۋدە قازاق ادەبيەتى تاريحىنداعى سپورت تاقىرىبىنا ارنالعان تۇڭعىش روماننىڭ اۆتورى ەسقارا توقتاسىن ۇلى ءومىر جولى مەن شىعارماشىلىعىمەن وقىرمانداردى تانىستىردى.
سپيكەر, قازىرگى جاستارعا جەتىستىكتەرگە جەتىپ, بارىنشا ءبىلىم الۋىنا مۇمكىندىكتەردىڭ كوپ ەكەندىگىن ايتىپ, وقىرمانداردى ارقاشان ۇزدىك بولىپ, ەل دامۋىنا ۇلەس قوساتىن مىقتى مامان بولۋعا شاقىردى.
ادالدىق, پاراساتتىلىق قۇندىلىقتارىنا توقتالىپ, ءومىر جولىنداعى قىزىقتى وقيعالارىمەن ءبولىستى.
سونىمەن قاتار «شىمكەنت-ادالدىق الاڭى» جوبالىق كەڭسەسىنىڭ باسشىسى ج.قامبار قاتىسۋشىلاردى كىتاپحانا قابىرعالارىنان «پاراسات جولى» ورتالىقتارىنىڭ اشىلۋ سەبەبى مادەنيەت, ادەبيەت جانە رۋحانياتتى نەگىزگە الا وتىرىپ, كەلەلى اڭگىمەلەر ارقىلى قوعامدا پاراساتتىلىق يدەولوگياسىن قالىپتاستىرۋعا ەرەكشە كوڭىل ءبولۋ ەكەندىگىن ايتىپ, بۇگىنگى كەزدەسۋ سونىڭ دالەلى بولىپ وتىرعاندىعىن جەتكىزدى. سونىمەن قاتار كەش قوناعىنا دەپارتامەنت اتىنان العىسىن ءبىلدىردى.
وقىرماندار جازۋشى ەسقارا توقتاسىن ۇلىنىڭ اڭگىمەلەرىنە ريزاشىلىقتارىن ءبىلدىرىپ, قىزىقتىرعان سۇراقتارىنا جاۋاپتارىن الدى.
