بۇل تۋرالى اقوردانىڭ رەسمي سايتىندا حابارلاندى.
قر مەملەكەتتىك حاتشىسى قىرىمبەك كوشەرباەۆتىڭ توراعالىعىمەن قازاقستان رەسپۋبليكاسى پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كەزەكتى كوميسسيا وتىرىسى ءوتتى. جيىندا پاندەميامەن كۇرەسۋگە بولىنگەن قاراجاتتىڭ ءتيىمدى جۇمسالۋى جانە دەنساۋلىق ساقتاۋ مينيسترلىگىندەگى سىبايلاس جەمقورلىققا قارسى قابىلدانىپ جاتقان شارالار جايى تالقىلاندى.
مەملەكەت باسشىسى قاسىم-جومارت توقاەۆتىڭ تاپسىرماسىمەن الەمدى جايلاعان ىندەتپەن كۇرەسۋ ءۇشىن ءتيىستى شارالار قولعا الىنىپ, بيۋدجەتتەن اۋقىمدى قاراجات ءبولىندى. بۇل قاراجات نەگىزىنەن ناۋقاستاردى ەمدەۋگە, ەل ازاماتتارىن قاجەتتى ءدارى-دارمەك, قورعانىش قۇرالدارىمەن, مەديتسينالىق قۇرال-جابىقپەن قامتۋعا جانە دارىگەرلەردىڭ جالاقىسىنا ۇستەماقى قوسۋعا باعىتتالدى.
قر تۇڭعىش پرەزيدەنتى – ەلباسى ن.ءا.نازارباەۆ وتانداستىرىمىزدى قابىلدانعان شارالاردى قولداۋعا شاقىردى. سونداي-اق كوروناۆيرۋس ىندەتىنە قارسى ءىس-قيمىل ماسەلەلەرى قاۋىپسىزدىك كەڭەسىنىڭ وتىرىسىندا قارالدى.
پاندەمياعا قارسى قابىلدانعان شارالار ىندەتتىڭ بەتىن قايتارعانىمەن, قۇقىق قورعاۋ جانە ءتيىستى باقىلاۋشى مەكەمەلەر بيۋدجەتتەن بولىنگەن قارجىنىڭ كەيدە ءتيىمسىز پايدالانىلعانىن انىقتادى. اتاپ ايتقاندا, مۇنداي جاعداي مەديتسينالىق قۇرال-جابدىقتاردى ساتىپ الۋ, ەمحانا قىزمەتكەرلەرىنە ۇستەماقى تولەۋ كەزىندە لاۋازىمدى تۇلعالاردىڭ تاراپىنان ورىن العان.
سونىمەن قاتار سىبايلاس جەمقورلىققا قارسى كۇرەس اگەنتتىگى دەنساۋلىق ساقتاۋ مينيسترلىگى مەن وعان قاراستى مەكەمەلەردەگى مەملەكەتتىك ساتىپ الۋ كەزىندەگى سىبايلاس جەمقورلىق تاۋەكەلدەرىن انىقتادى. ال قارجىلىق مونيتورينگ اگەنتتىگى ءدارى-دارمەك پەن ۇرلىقى ونىمدەردى الىپ-ساتۋ بويىنشا اۋقىمدى جۇمىس جۇرگىزگەن. قارجى مينيسترلىگى مەديتسينا قىزمەتكەرلەرىنە ۇستەماقى تولەۋ بارىسىندا بىرقاتار زاڭسىزدىقتار ورىن العانىن اشكەرەلەدى.
جيىندا كوروناۆيرۋسپەن كۇرەسكە بولىنگەن قارجىنىڭ ءتيىمدى جۇمسالۋى بويىنشا جانە سىبايلاس جەمقورلىققا قارسى قابىلدانعان ءىس-قيمىل شارالارى جونىندە قر دەنساۋلىق ساقتاۋ ءمينيسترى ا.تسوي جانە بىرقاتار وبلىس اكىمى بايانداما جاسادى.
كوميسسيا وتىرىسىندا جاۋاپتى ورگان باسشىلارىنا جەمقورلىقتى انىقتاپ, الدىن-الۋمەن قاتار, مەملەكەت باسشىسىنىڭ تۇرمىستىق جەمقورلىقتى جويۋ جونىندەگى تاپسىرماسىن ورىنداۋ ءۇشىن ءتيىستى شارالار قابىلداۋ تاپسىرىلدى.
جيىن سوڭىندا مەملەكەتتىك حاتشى كوتەرىلگەن ماسەلەلەر بويىنشا ناقتى تاپسىرلار بەرىپ, ورىندالۋى قاتاڭ باقىلاۋعا الىناتىنىن جەتكىزدى.
