مادەنيەت جانە سپورت مينيسترلىگىنىڭ قولداۋىمەن ۇلتتىق اكادەميالىق كىتاپحانا «2021 بالالار ادەبيەتى جىلىنا» وراي بالالار مەن جاسوسپىرىمدەر شىعارمالارى ءۇشىن «ەر توستىك» ادەبي بايقاۋىن جاريالاعان بولاتىن.
بايقاۋ 2021 جىلدىڭ 2 تامىزى مەن 2 قازانى ارالىعىندا ءوتتى. بارلىعى 90 اۆتوردىڭ جۇمىسى تىركەلگەن.
بۇگىن ۇلتتىق اكادەميالىق كىتاپحاناسىندا «ەر توستىك» ادەبي بايقاۋىنىڭ قورىتىندى وتىرىسى ءوتىپ, جەڭىمپازدارى ماراپاتتالدى.
ماراپاتتاۋ ءراسىمى بىرنەشە نوميناتسيا بويىنشا ءوتتى: پروزا, ەرتەگى, بالالارعا ارنالعان ولەڭدەر جانە ۇزدىك يلليۋستراتسيا.
ادەبي بايقاۋدىڭ ماقساتى – بالالار مەن جاسوسپىرىمدەرگە ارناپ جازاتىن تالانتتى قالامگەرلەردى انىقتاۋ, لايىقتى ماراپاتتاۋ, قازاق بالالار ادەبيەتىن قولداۋ جانە دامىتۋ.
