كوروناۆيرۋس • 07 قازان، 2021

مەكتەپتەردە ەكسپرەسس-تەست قولدانىلۋى مۇمكىن

52 رەت كورسەتىلدى

الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين مەكتەپتەردە كوروناۆيرۋستى انىقتايتىن ەكسپرەسس-تەست قولدانۋدى ۇسىندى، دەپ حابارلايدى Egemen.kz.

ونىڭ ايتۋىنشا، ەكسپرەسس-تەست ادام اعزاسىندا كوروناۆيرۋستىڭ بار-جوعىن انىقتاۋعا وتە ءتيىمدى.

ء«بىز ءتىرى ۆيرۋس پەن مۋتاتسيالانعان شتامدارعا زەرتتەۋ جۇرگىزدىك. قازاقستانعا اكەلىنىپ، تىركەۋدەن وتكەن بارلىق نەگىزگى ەكسپرەسس-تەستەردى زەرتتەپ، جاقسى ناتيجە الدىق. بۇگىندە ەكسپرەسس-تەستىلەۋدىڭ تيىمدىلىگى وتە جوعارى»، دەدى جانداربەك بەكشين وكق-دا وتكەن ءباسپاسوز ءماسليحاتىندا.

سپيكەردىڭ سوزىنشە، مۇنداي تەستتەر قازىردىڭ وزىندە رەسەيدە قولدانىلا باستاعان. ال كەلەسى اپتانىڭ سوڭىنا دەيىن قازاقستاندىق مامانداردىڭ ەكسپرەسس-تەستەر بويىنشا زەرتتەۋلەرى دەنساۋلىق ساقتاۋ مينيسترلىگىنە جولدانادى.

ء«بىز مەكتەپتەردە ناۋقاستارمەن بايلانىستا بولعان مىڭداعان ادامدى بايقاپ وتىرمىز. ولاردىڭ بارلىعىن ەكسپرەسس-تەستى قولدانىپ، تەكسەرىپ كورۋگە بولادى. ولاردىڭ كومەگىمەن، 15-20 مينۋت ىشىندە وقۋشىنىڭ وقۋىن جالعاستىراتىنىن نەمەسە وقشاۋلانۋعا جىبەرۋ قاجەتتىگىن انىقتاۋعا بولادى»، دەيدى ول.

سونىمەن قاتار جانداربەك بەكشين بۇل بيۋدجەتتىك قاراجاتتىن ۇنەمدەۋگە، سونداي-اق مەديتسينا قىزمەتكەرلەرىنە تۇسەتىن جۇكتەمەنى ازايتۋعا مۇمكىندىك بەرەتىنىن تىلگە تيەك ەتتى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار