تمد-عا قاتىسۋشى مەملەكەتتەر قارۋلى كۇشتەرىنىڭ بىرلەسكەن بايلانىس جۇيەسى تۋرالى كەلىسىم 2020 جىلعى 29 مامىردا جاسالدى.
ونىڭ نەگىزگى مىندەتتەرى: - قارۋلى كۇشتەر باسقارۋ جۇيەسىندە جانە قارۋلى كۇشتەر اراسىندا تالاپ ەتىلەتىن بايلانىس قىزمەتتەرىن ۇسىنۋ ءارى اقپاراتتىڭ بارلىق تۇرلەرىمەن الماسۋدى قامتاماسىز ەتۋ;
- تاۋەلسىز مەملەكەتتەر دوستاستىعى فورماتىندا قۇرىلعان اسكەري سالاداعى ءوزارا ءىس-قيمىلدىڭ بىرىككەن جۇيەلەرىنىڭ جۇمىس ىستەۋىن قامتاماسىز ەتۋ;
- بايلانىسقا, ورتاق پايدالانىلاتىن ۇلتتىق بايلانىس جەلىلەرى مەن ارنايى ماقساتتاعى بايلانىس جەلىلەرىمەن قاجەتتى ۇيلەسىمدىلىككە قويىلاتىن تالاپتاردىڭ ورىندالۋىن قامتاماسىز ەتۋ.
«وكىلەتتى ورگان ءوز مەملەكەتىنىڭ زاڭناماسىنا سايكەس, بىرلەسكەن بايلانىس جۇيەسىنىڭ جۇمىس ىستەۋىن قامتاماسىز ەتۋ ماقساتىندا ءوزىنىڭ بايلانىس جەلىسى رەسۋرسىن پايدالانا الادى. بىرىڭعاي تەحنيكالىق ءتاسىل, قازىرگى زامانعى اسكەري تەحنيكامەن, بايلانىس جابدىعىمەن باسىم تۇردە جاراقتاندىرۋ نەگىزىندە قۇرىلاتىن بىرلەسكەن بايلانىس جۇيەسى مەملەكەتتەر قارۋشى كۇشتەرىنىڭ جاۋىنگەرلىك قابىلەتىن ارتتىرادى», دەدى قر قورعانىس ءمينيسترىنىڭ ورىنباسارى دارىن تۇياقوۆ.
ءوز كەزەگىندە سەناتور نۇرجان نۇرسيپاتوۆ كەلىسىم قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ زاڭناماسىنا, قازاقستان راتيفيكاتسيالاعان حالىقارالىق شارتتارعا جانە قازاقستان قاتىسۋشىسى بولىپ سانالاتىن حالىقارالىق ۇيىمداردىڭ شەشىمدەرىنە قايشى كەلمەيتىنىن ايتتى.
