ت.ق ۇلىباەۆ ەڭبەك نارىعىنا شىعاتىن دايىن كاسىپكەرلەردىڭ ۇلەسىن ارتتىرۋ قاجەتتىگىنە توقتالدى. سوندىقتان بۇل ءپاننىڭ ماڭىزىن اتاپ, ۇستازداردىڭ اتقارىپ جاتقان ەڭبەگىنە العىس ايتتى.
«سىزدەر وقىتىپ جاتقان بالالار كاسىبىن باستاپ, ەلگە قىزمەت ەتە الادى. وتباسىنا جاعداي جاساپ, جاڭا جۇمىس ورىندارىن اشادى. سوندىقتان بۇل بۇگىنگە كەرەك جۇمىس. ەلىمىز جاس, مەكتەپتە 3 ملن-عا جۋىق بالا وقيدى. جاقىن ۋاقىتتا 3,5 ملن-عا جەتەدى. كوللەدج بەن ۋنيۆەرسيتەتتەردە ءبىلىم الاتىن ملن-عا جۋىق ستۋدەنت بار. ياعني جىل سايىن ەڭبەك نارىعىنا شىعىپ, نەمەن اينالىساتىنىن بىلەتىن ادام سانى ارتىپ كەلەدى. مەملەكەت ەل ەكونوميكاسىنداعى شاعىن جانە ورتا بيزنەس ۇلەسىن 50 پايىزعا جەتكىزۋ كەرەك دەگەن تاپسىرما قويدى. سەبەبى تۇراقتى دامىعان مەملەكەت بولۋ ءۇشىن وسىنداي كورسەتكىشكە جەتۋ كەرەك», دەپ اتاپ ءوتتى ت.ق ۇلىباەۆ.
نۇر-سۇلتان قالاسىنىڭ №1 مەكتەپ-ليتسەيىندە ءبىلىم بەرەتىن گۇلنارا كارىموۆانىڭ وقۋشىلارى ساباققا قاتىسقاندى ۇناتىپ قانا قويماي, سونىمەن قاتار كاسىپكەرلىك بويىنشا وليمپيادالار مەن كونكۋرستارعا قاتىسادى. ولاردىڭ كەيبىرى ءوز ءىسىن دە اشقان. 5starseducation DALA School بالالاردى دامىتۋ ورتالىعى – جوعارى سىنىپتىڭ ەكى وقۋشىسى تيمۋر رۋسلانوۆ پەن ساعيدا ايتقوجينانىڭ بىرلەسكەن جوباسى. بالالار مەكتەپتە بيزنەس جۇرگىزۋ نەگىزدەرى بويىنشا داعدىلاردى مەڭگەرىپ, كاسىپ جۇرگىزىپ وتىر. بۇگىندە جوبانىڭ جالپى ءتۇسىمى – شامامەن 5 ملن تەڭگە.
«وقۋشىلارىما ساباق ۇنايدى. ءتورت وقۋشىدان تۇراتىن كوماندا وzgeris بيزنەس-ينكۋباتورىندا 50 مىڭ تەڭگەنىڭ گرانتىن جەڭدى. سونداي-اق 2020 جىلى جوعارى سىنىپ وقۋشىسى مارسەل مادياروۆ AIFC Finance and Economics Olympiad كونكۋرسىندا ءبىرىنشى ورىندى يەلەنىپ, التىن مەدال الدى. بولاشاقتا بالالارىمىزدى Forbs تىزىمىنەن كورگىمىز كەلەدى», دەپ ءبولىستى پەداگوگ.
ەكىباستۇزدان كەلگەن مۇعالىم داريا دوشيموۆا ءپان تەك وقۋشىلارعا ەمەس, سونداي-اق مۇعالىمدەرگە دە قىزىقتى ەكەنىن اتاپ ءوتتى. ول مەكتەپ وقۋشىلارى مەن ستۋدەنتتەردى كاسىپكەرلىك نەگىزدەرىنە بەيىمدەپ, وقىتۋعا كومەكتەسۋ ءۇشىن بەيىندى قاۋىمداستىق قۇرۋدى ۇسىندى. قاۋىمداستىق مۇعالىمدەردىڭ بىلىكتىلىگىن ارتتىرۋعا تۇراقتى كۋرستار, ادىسنامالىق قولداۋدى ۇيىمداستىرۋعا كومەكتەسەدى.
«بۇل مۇعالىمدەر ءۇشىن وتە قاجەت. سەبەبى ءبىز بولاشاق كاسىپكەرلەردى دايارلايمىز. ودان ءارى ۇلتتىق كاسىپكەرلەر پالاتاسى ءاربىر وقۋشىنىڭ داعدىسىن دامىتىپ, قارجى الۋعا, بيزنەس باستاۋعا مۇمكىندىك بەرەدى. ستارتاپتىڭ جۇمىسىن سۇيەمەلدەيدى», دەدى د.دوشيموۆا.
وقىتۋشىلار ت.ق ۇلىباەۆقا 5-9-سىنىپ وقۋشىلارى ءۇشىن ەكونوميكا, بيزنەس جانە قارجىلىق ساۋاتتىلىق نەگىزدەرى بويىنشا مەكتەپ باعدارلاماسىنا ارنايى كۋرستار ەنگىزۋدى ۇسىندى. سونىمەن قاتار ۇستازدار ءۇشىن بىلىكتىلىكتى ارتتىرۋ كۋرسىن كوبەيتۋدى سۇرادى. تورالقا توراعاسى بۇل ماسەلەنى شەشۋگە ۋادە بەردى.
ء«بىز مۇعالىمدەردى قولداۋ جاعىنان بار جاعداي جاسايمىز. ۇستازدار جىلىنا ءبىر رەت قانا بىلىكتىلىكتى ارتتىرۋ كۋرسىنان وتەدى. ەندى ءبىلىم مينيسترلىگىنىڭ رەسۋرستارى جەتپەسە, ءبىز «حالىق» قورى ارقىلى بۇل ولقىلىقتىڭ ورنىن تولتىرۋعا تىرىسامىز. مۇعالىمدەر جىلىنا ءبىر ەمەس, ءوزىڭىز ايتقانداي ءتورت رەتكە دەيىن بىلىكتىلىكتى ارتتىرۋ كۋرسىنان ءوتۋ كەرەك», دەدى تورالقا توراعاسى.
ت.ق ۇلىباەۆ جوبانىڭ بولاشاعى ءبىرىنشى كەزەكتە وقىتۋشىلارعا بايلانىستى ەكەنىن اتاپ, ولار ايتقان ۇسىنىستاردىڭ ءبارىن قابىلدايتىنىن اتاپ ءوتتى. بۇل ءۇشىن ءبىلىم مينيسترلىگىنىڭ وكىلدەرىمەن كەزدەسىپ, ءتيىستى شارا جۇرگىزىلەتىنىن جەتكىزدى.
«ۇلتتىق كاسىپكەرلەر پالاتاسى «كاسىپكەرلىك جانە بيزنەس نەگىزدەرى» ءپانىن وقىتۋ قالاي ءجۇرىپ جاتقانىن ءجىتى قاداعالايدى. ءسىزدىڭ تىكەلەي قاتىسۋىڭىزبەن قازاقستاندا مەكتەپ پارتاسىنان باستاپ ەرەكشە بيزنەس-ورتا قالىپتاسىپ جاتقانىنا ريزاشىلىعىمىزدى بىلدىرەمىز. بۇل ەل ەكونوميكاسى ءۇشىن ماڭىزدى. ورتاق جۇمىسىمىزدىڭ جەمىسىن كورىپ وتىرمىز – بىلىممەن قارۋلانعان مەكتەپ وقۋشىلارى كاسىپكەرلىككە باتىل قادام باسىپ, بيزنەسىن اشىپ جاتىر. ونىڭ اۋقىمىن كەڭەيتۋ ءۇشىن سىزدەردىڭ جوبانى دامىتۋ جانە جاقسارتۋ بويىنشا ۇسىنىستارىڭىزدى زەردەلەپ, ءبىلىم مينيسترلىگىمەن تالقىلايمىز», دەدى ت. ق ۇلىباەۆ.
ايتا كەتەلىك, 2017 جىلى مەكتەپتەردە «كاسىپكەرلىك جانە بيزنەس نەگىزدەرى» ءپانىن ەنگىزۋ بويىنشا قاناتقاقتى جوبا ءوتتى. «اتامەكەن» ۇكپ مەن ءبىلىم جانە عىلىم مينيسترلىگىنىڭ باستاماسىمەن 2019 وقۋ جىلىنان باستاپ ەلىمىزدىڭ جالپى ءبىلىم بەرەتىن مەكتەپتەرىندەگى 10-11-سىنىپتار ءۇشىن «كاسىپكەرلىك جانە بيزنەس نەگىزدەرى» ءپانى ەنگىزىلدى. ءپان وقىتۋشىلارى بىلىكتىلىكتى ارتتىرۋ كۋرستارىنان ءوتتى. 2021 وقۋ جىلىنان باستاپ «كاسىپكەرلىك قىزمەت نەگىزدەرى» ءپانى تجكب ۇيىمدارى ءۇشىن مەملەكەتتىك جالپىعا مىندەتتى ءبىلىم بەرۋ ستاندارتىنا نەگىزگى مودۋلدىك ءپان رەتىندە ەنگىزىلدى.
Atameken Aسademy ءبىلىم بەرۋ پلاتفورماسىندا «كاسىپكەرلىك نەگىزدەرى» ءپانىن وقىپ جاتقان وقۋشىلار مەن كوللەدج ستۋدەنتتەرىنە ارنالعان Ozgeris بيزنەس-ينكۋباتورى جانە Atameken Stars ستارتاپ جوبالارىنىڭ رەسپۋبليكالىق ونلاين-كونكۋرسى ۇيىمداستىرىلدى. اtameken.co ونلاين پلاتفورماسىندا وقۋشىلار مەن وقىتۋشىلار ءۇشىن «كاسىپكەرلىك جانە بيزنەس نەگىزدەرى» ءپانى بويىنشا ۆيدەوساباقتار مەن قوسىمشا ماتەريالدار دايىندالدى.
2019-2021 جىلدارى «اتامەكەن» جالپى ءبىلىم بەرەتىن مەكتەپتەردىڭ 5,2 مىڭ مۇعالىمى, كوللەدجدەردىڭ 1,7 مىڭ وقىتۋشىسى ءۇشىن كاسىپكەرلىك نەگىزدەر بويىنشا بىلىكتىلىكتى ارتتىرۋ كۋرستارىن وتكىزدى. 2021 جىلى مۇعالىمدەردى وقىتۋدىڭ ءۇشىنشى لەگى 27 قازان مەن 12 قاراشا ارالىعىندا وتەدى.
