الماتى قالاسىندا قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان مەن ەۋروپا وداعىنىڭ ادام قۇقىقتارى جونىندەگى ارناۋلى وكىلى يمون گيلموردىڭ تەڭ توراعالىعىمەن «جارقىن بولاشاققا جول: ىندەتتەن كەيىنگى تۇراقتى قالىپقا كەلۋ» تاقىرىبىندا «ەۋروپالىق وداق – ورتالىق ازيا» ازاماتتىق فورۋمى ءوتتى.
ءىس-شارا الماتى قالاسىنىڭ اكىمدىگىنىڭ قولداۋىمەن ارالاس فورماتتا ەو مەن وا-نىڭ 300-دەن استام وكىلدەرىنىڭ قاتىسۋىمەن وتكىزىلدى. فورۋمنىڭ بىرەگەي فورماتى ساراپشىلاردى, قۇقىق قورعاۋشىلار مەن باق وكىلدەرىن ءبىر الاڭعا جيناۋعا مۇمكىندىك بەردى جانە ورتالىق ازيا ەلدەرى, سونىمەن قاتار ورتالىق ازيا مەن ەۋروپالىق وداق اراسىندا اشىق تالقىلاۋدىڭ بولۋىنا ىقپال ەتتى.
جيىندى اشقان ەرجان قازىحان فورۋم قازاقستان تاۋەلسىزدىگىنىڭ 30 جىلدىعى اياسىندا, ەلىمىزدىڭ ساياسي جانە ەكونوميكالىق ۇدەرىستەرىنىڭ قارقىندى جاڭعىرۋى كەزەڭىندە ءوتىپ جاتقانىن اتاپ ءوتتى. قازاقستان ۇزاق جولدان ءوتىپ, ايتارلىقتاي ناتيجەلەرگە قول جەتكىزدى جانە ءوز ينستيتۋتتارىن جەتىلدىرۋ جۇمىستارىن جالعاستىرۋدا. ارناۋلى وكىلدىڭ ايتۋىنشا, قازاقستان پرەزيدەنتى قاسىم-جومارت توقاەۆ مەملەكەتتىڭ ءوز ازاماتتارىن تىڭداۋىنا جانە ولاردىڭ وتىنىشتەرىنە جاۋاپ بەرۋىنە كەپىلدىك بەرەتىن اۋقىمدى ەكونوميكالىق جانە ساياسي رەفورمالاردى باستادى. وسى باعىتتا مەملەكەت باسشىسى ازاماتتىق قوعامعا ەرەكشە نازار اۋدارۋدا جانە ونىڭ ودان ءارى دامۋى جاقىندا قابىلدانعان ازاماتتىق قوعامدى دامىتۋ تۇجىرىمداماسى اياسىندا بەلگىلەنگەن. تۇجىرىمدامانىڭ نەگىزگى ماقساتى – ۇكىمەتتىڭ قىزمەتى مەن شەشىمدەرىنە قوعامدىق باقىلاۋ تەتىكتەرىن كۇشەيتۋ ءۇشىن جاعداي جاساۋ. كەزەڭ-كەزەڭمەن ساياسي جاڭعىرۋ مەملەكەت باسشىسىنىڭ قىركۇيەك ايىنداعى قازاقستان حالقىنا جولداۋىندا باستى باسىمدىق رەتىندە ناقتىلاندى. بۇل باسىمدىق سايلاۋ ۇدەرىستەرىن جاقسارتۋعا, قوعام مەن بيلىك اراسىنداعى ديالوگقا, ايەلدەرگە, جاستارعا, مۇمكىندىگى شەكتەۋلى ادامدارعا جانە ءدىني بوستاندىققا مۇمكىندىك بەرۋ مەحانيزمدەرىنە باعىتتالعان.
مۇنداي ىشكى ساياسي كۇن ءتارتىبى COVID-19 ىندەتى, كليماتتىق داعدارىس جانە اۋعانستانداعى كۇردەلى گۋمانيتارلىق احۋال سياقتى ءۇش جاھاندىق سىن-قاتەر اياسىندا جۇزەگە اسىرىلۋدا. بۇل ماسەلەلەردى شەشۋ ءۇشىن الەمدىك قوعامداستىق, ونىڭ ىشىندە ورتالىق ازيا مەن ەۋروپالىق وداققا مۇشە ەلدەر ۇيلەسىمدى جۇمىس ىستەۋى قاجەت. ەۋروپالىق وداق – ايماق ەلدەرى مەن قازاقستاننىڭ سەنىمدى سەرىكتەسى. قازاقستان مەن ەو اراسىنداعى ءوزارا سەنىمگە, سىيلاستىققا جانە ورتاق قۇندىلىقتارعا نەگىزدەلگەن قارىم-قاتىناستار نىعايىپ كەلەدى. وسىلايشا, قازاقستان مەن ەو اراسىنداعى تاۋار اينالىمى شامامەن 24 ميلليارد دوللاردى قۇرادى. 2005 جىلدان بەرى ەو ەلدەرى قازاقستان ەكونوميكاسىنا 160 ميلليارد دوللارعا جۋىق ينۆەستيتسيا سالدى.
كەڭەيتىلگەن سەرىكتەستىك تۋرالى كەلىسىمنىڭ جاسالۋى – ەۋروپالىق وداقپەن بىرلەسكەن جۇمىستىڭ ماڭىزدى ناتيجەسى. بۇل قۇجات بىلتىر كۇشىنە ەندى. اتالعان كەلىسىم شەڭبەرىندەگى جۇمىستار ەكونوميكا, قاۋىپسىزدىك, ەو ەلدەرى مەن قازاقستانداعى ساياسي دامۋ سياقتى ءۇش باعىتتى قامتيدى. پرەزيدەنتتىڭ ارناۋلى وكىلى قازاقستان ەۋروپالىق سەرىكتەستەرىنىڭ اتالعان باعىتتارداعى كۇش-جىگەرىن, سونداي-اق فورۋمدا انىقتالعان ورتالىق ازياداعى ىنتىماقتاستىقتىڭ كۇن ءتارتىبىن قولدايتىنىن ايتتى.
