ەكى بولمەلى پاتەر سارىارقا اۋدانىندا, ەسىل وزەنىنىڭ جاعاسىنان 900 مەتر قاشىقتىقتا, «ريو-دە-جانەيرو» تۇرعىن ءۇي كەشەنىندە ورنالاسقان. دەمەۋشىسى — «G-Park» قۇرىلىس كومپانياسى.
«ەكى بولمەلى پاتەردىڭ اۆتوماتتى ۇتىس ويىنىنا وسى جىلدىڭ 25 ماۋسىمى مەن 28 قىركۇيەگى ارالىعىندا قالاداعى ۆاكتسيناتسيا پۋنكتتەرىنىڭ (مەديتسينالىق مەكەمەلەردەگى, ساۋدا ويىن-ساۋىق ورتالىقتارىنداعى) كەز كەلگەنىندە ەكپەنىڭ ءبىرىنشى كومپونەنتىن العان 18 جاستان اسقان تۇرعىندار قاتىسادى. سونىمەن قاتار تىكەلەي ەفيردە پاتەردەن بولەك وزگە دە باعالى سىيلىقتار ويناتىلادى: ءۇش iPhone12, توڭازىتقىشتار, تەلەديدارلار, ميكروتولقىندى پەشتەر, شاڭسورعىش, ۇتىك, فەن جانە ت.ب.», دەلىنگەن ۆەدومستۆو حابارلاماسىندا.
Birge پلاتفورماسىندا (https://birge-elorda.kz/nur-sultan) ۇتىس ويىنىنىڭ جەڭىمپازدارىن انىقتاۋ ءۇشىن ارنايى راندومايزەر سەرۆيسى ورناتىلعان. ول ەكپە العانداردىڭ ID ءنومىرى ارقىلى جۇلدە يەلەرىن تاڭدايدى. ازىرلەۋگە IT-قاۋىمداستىق تا قاتىستى. ۆاكتسينالانعاندار بويىنشا سەرۆيس قر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن.
