«2021 جىلدىڭ 9 ايىندا 2020 جىلدىڭ سايكەس كەزەڭىمەن سالىستىرعاندا تۇتىنۋ ءوسىمى وڭتۇستىك ايماقتا - 11,8%, سولتۇستىك ايماقتا - 5,8% جانە باتىس ايماقتا 6,6%-دى قۇراعان.قاربالاس ۋاقىتتا قۋاتتى تۇتىنۋ وتكەن جىلعى ماننەن 1000-1500مۆت-قا ارتىق. بۇل قۋات تۇتاس ءبىر وبلىستىڭ تۇتىنۋىمەن تەڭ. مىسالى, الماتى وبلىسىنىڭ تۇتىنۋىمەن بىردەي», دەپ جازادى «KEGOC» اق.
جاعدايدىڭ كۇردەلەنۋىنە قر بەج ەلەكتر ستانتسيالارىنداعى اۆاريالىق جانە جوسپارلانباعان جوندەۋلەردىڭ كوپ بولۋى جانە گەنەراتسيالايتىن قۋات تاپشىلىعى دا اسەر ەتىپ وتىر. مىسالى, گەنەراتسيانى اۆاريالىق اجىراتۋدىڭ ۇزاقتىعى بىلتىرمەن سالىستىرعاندا 25%-عا ۇلعايعان.
«بۇل رەتتە جابدىقتىڭ جەكەلەگەن تۇرلەرى بويىنشا بۇل كورسەتكىشتىڭ ءوسۋى ايتارلىقتاي جوعارى: تۋربواگرەگاتتاردىڭ اۆاريالىق توقتاتىلۋ ۇزاقتىعى 2 ەسەدەن استام شاماعا ءوستى (+134%, 2020 جىلى 12177 ساعات, 2021 جىلى 28550 ساعات), گاز تۋربينالارىنىڭ اۆاريالىق توقتاتىلۋ ۇزاقتىعى 43%-عا, ەنەرگيا بلوكتىق جابدىقتىڭ 18%-عا ءوستى», دەپ جازىلعان حابارلامادا.
گەنەراتسيانىڭ جەتىسپەۋشىلىگى تۇتىنۋشىلاردىڭ قاناعاتتاندىرۋعا مۇمكىندىك بەرمەيتىن احۋالعا اكەلگەن. بۇل ءوز كەزەگىندە قازاقستان بەج تۇتىنۋشىلارىنىڭ جوسپارلى شامالاردان اۋىتقۋلىنا اكەلىپ سوعادى. ەنەرگيا جۇيەسى بويىنشا قۋاتتىڭ اۋىتقۋى شامامەن 1000 مۆت قۇرايدى, سونىڭ ىشىندە تەك قازاقستان بەج-ءىنىڭ وڭتۇستىك ايماعى بويىنشا اۋىتقۋ شاماسى 700 مۆت-تان اسادى.
«گەنەراتسيانىڭ جەتىسپەۋشىلىگى, قۋات پەن ەلەكتر ەنەرگياسىنىڭ اۋىتقۋى قازاقستان بەج تۇراقتىلىعىنىڭ بۇزىلۋىنا قاۋىپ توندىرەدى – ءىرى جۇيەلىك اۆاريانىڭ پايدا بولۋ قاۋپى بار. كەشكى ماكسيمۋم ساعاتتارىندا قازاقستان بەج-ءىنىڭ سولتۇستىك-وڭتۇستىك ءترانزيتى بويىنشا ەلەكتر ەنەرگياسىنىڭ اعىنى رۇقساتتىق ماننەن اسىپ تۇسەدى. گەنەراتسيانىڭ يەلىكتەگى رەزەرۆتەرىنىڭ تولىق تاۋسىلۋىنا بايلانىستى تۇتىنۋشىلار ءۇشىن اۆاريالىق ىستەن شىققان گەنەراتسيانى الماستىرۋ جانە جوسپارلى يمپورتتى ىسكە اسىرۋ ماقساتىندا شەكتەس ەنەرگيا جۇيەلەرىنەن جوسپارلى جەتكىزۋدى جۇزەگە اسىرۋ قاجەتتىلىگىن اتاپ وتەمىز», دەپ ەسكەرتەدى قوعامداستىق.
قازاقستان رەسپۋبليكاسىنىڭ زاڭناماسىنا سايكەس, «KEGOC» اق جۇيەلىك وپەراتور رەتىندە قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسى جۇمىسىنىڭ سەنىمدىلىگىن قامتاماسىز ەتۋگە مىندەتتى. جوسپاردان تىس تۇتىنۋ ورىن العان جاعدايدا, «KEGOC» اق قولدانىستاعى زاڭناما تالاپتارىنا سايكەس تۇتىنۋ رەجيمىن ساقتاۋ ءۇشىن تۇتىنۋشىلاردىڭ جەكەلەگەن ساناتتارىنا شارا قابىلداۋعا ءماجبۇر بولادى.
«2021 جىلعى 5 قازاندا جۇيەلىك وپەراتورعا جۇكتەلگەن مىندەتتەمەلەردى ورىنداۋ شەڭبەرىندە جەرگىلىكتى اتقارۋشى ورگاندارمەن كەلىسىلگەن كەستەلەرگە سايكەس تۇتىنۋدى شەكتەۋ بويىنشا مىناداي ءىس-شارالار جۇرگىزىلدى: «اجك» اق جەلىلەرىندەگى شەكتەۋلەر - 75 مۆت. (اسىپ كەتۋ 160 مۆت, دياپازونىنان تىس 90 مۆت). «قىزىلوردا تەك» اق جەلىلەرىندە شەكتەۋ - 31 مۆت (اسىپ كەتۋ 39 مۆت, 33 مۆت). «Enegix» اق شەكتەۋلەرى - 68 مۆت (اسىپ كەتۋ 100 مۆت, دياپازونىنان تىس 90 مۆت)», دەپ جازىلعان حابارلامادا.
