ء«بىز بۇگىن حاتشىلىق وتىرىسىندا الەمدىك جانە ءداستۇرلى دىندەر ليدەرلەرىنىڭ 7-سەزىن ۇيىمداستىرۋعا قاتىستى ماسەلەلەردى پىسىقتايمىز. بۇگىنگى تاڭدا بۇل فورۋم قازىرگى زامانداعى وزەكتى ماسەلەردى تالقىلايتىن اسا ماڭىزدى حالىقارالىق الاڭعا اينالدى. سەزد بەيبىتشىلىكتى نىعايتۋدىڭ جانە مادەنيەتتەر اراسىنداعى ىنتىماقتاستىقتى دامىتۋدىڭ وزىق ۇلگىسىن كورسەتىپ كەلەدى. سونداي-اق دىنارالىق تولەرانتتىلىقتى ارتتىرۋعا ۇلكەن سەپتىگىن تيگىزۋدە. سەزد العاش رەت 2003 جىلى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن شاقىرىلعانى بەلگىلى. فورۋم جۇمىسىنىڭ تابىستى بولۋىنا قر پرەزيدەنتى قاسىم-جومارت توقاەۆ باسا ءمان بەرىپ كەلەدى», دەدى حاتشىلىق وتىرىسىن اشقان سەنات توراعاسى ماۋلەن اشىمباەۆ.
سونىمەن قاتار سەنات سپيكەرى فورۋمدى جەتەكشى رۋحاني ليدەرلەر مەن جوعارى دەڭگەيدەگى ىقپالدى ساياساتكەرلەر قولدايتىنىن جەتكىزدى.
