قر پرەزيدەنتى اكىمشىلىگىنىڭ كەلىسىمىمەن ىشكى ىستەر ءمينيسترى پوليتسيا گەنەرال-لەيتەنانتى ەرلان تۇرعىمباەۆتىڭ بۇيرىعىمەن اۋماقتىق قىلمىستىق-اتقارۋ جۇيەسى دەپارتامەنتتەرىنىڭ باستىقتارى تاعايىندالدى: نۇر-سۇلتان قالاسى بويىنشا قاج دەپارتامەنتىنىڭ باستىعى بولىپ وسىعان دەيىن اتالعان دەپارتامەنت باستىعىنىڭ ورىنباسارى قىزمەتىن اتقارعان ادىلەت پولكوۆنيگى داۋلەت بورانبەك ۇلى راحىمبەكوۆ تاعايىندالدى. ىشكى ىستەر ورگاندارىندا 1993 جىلدان باستاپ قىزمەت اتقارادى. پەنيتەنتسيارلىق جۇيەدەگى قىزمەتىن ءىىب جانىنداعى قاجكب ەس-164/7 مەكەمەسىنىڭ جەدەل ءبولىمىنىڭ جەدەل ۋاكىلى بولىپ باستادى. ءار جىلدارى قاج كوميتەتى مەن اقمولا وبلىسىنىڭ اۋماقتىق دەپارتامەنتتەرىنىڭ بولىنىستەرىن باسقاردى.
شىمكەنت قالاسى بويىنشا قاج دەپارتامەنتىنىڭ باستىعى لاۋازىمىنا ادىلەت پولكوۆنيگى تەڭىزجان نۇرماحان ۇلى جانىبەكوۆ تاعايىندالدى. قر ىشكى ىستەر ورگاندارىندا 1995 جىلدان, وقو ءال-فارابي اۋداندىق ءىىب بولىمشەسىندە تەرگەۋشىنىڭ كومەكشىسى بولىپ باستاعان. پەنيتەنتسيارلىق جۇيەدە 2002 جىلدان باستاپ قىزمەت ەتەدى. سوڭعى اتقارعان لاۋازىمى - قر ءىىم قاج كوميتەتى توراعاسىنىڭ ءبىرىنشى ورىنباسارى.
الماتى وبلىسى بويىنشا قاج دەپارتامەنتىنىڭ باستىعى وسىعان دەيىن قاج كوميتەتىنىڭ جەدەل باسقارماسىنىڭ باستىعى قىزمەتىن اتقارعان ادىلەت پولكوۆنيگى يگىلىك ءشارىپ ۇلى حاسەنوۆ بولدى. 1998 جىلدان باستاپ رەسپۋبليكانىڭ پەنيتەنتسيارلىق جۇيەسى قاتارىندا قىزمەت ەتەدى. نۇر-سۇلتان قالاسى, سقو جانە اقمولا وبلىستارىنىڭ قىلمىستىق-اتقارۋ جۇيەسىندە ءارتۇرلى باسشىلىق لاۋازىمداردا جۇمىس ىستەدى.
جامبىل وبلىسى بويىنشا قاج دەپارتامەنتىنىڭ باستىعى بولىپ ادىلەت پولكوۆنيگى نياز قانات ۇلى رىسپاەۆ تاعايىندالدى. قاج-دا قىزمەتىن جاساق باستىعىنان باستادى, ءتۇرلى دەڭگەيدەگى, سونىڭ ىشىندە باسشىلىق لاۋازىمداردى اتقاردى. وسى ۋاقىتقا دەيىن باتىس قازاقستان وبلىسى بويىنشا قاج دەپارتامەنتى باستىعىنىڭ ورىنباسارى قىزمەتىن اتقاردى. جاڭادان تاعايىندالعان باسشىلارىنىڭ بۇرىن قاج كوميتەتىنىڭ ورتالىق اپپاراتىندا جانە ونىڭ اۋماقتىق بولىنىستەرىندە باسشىلىق قىزمەتتەردە جۇمىس ىستەگەنىن, پەنيتەنتسيارلىق جۇيەدە كوپجىلدىق تاجىريبەسى بار ەكەنىن اتاپ وتەمىز.
