اۋا رايى • 06 قازان، 2021

6 قازانعا ارنالعان اۋا رايى بولجامى

قازگيدرومەت 6 قازاندا بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى، دەپ حابارلايدى Egemen.kz.

گاۋھار قاپاش

اتموسفەرالىق فرونتالدى بولىكتەردىڭ اسەرىنەن قازاقستان اۋماعىنىڭ باسىم بولىگىندە تۇراقسىز اۋا رايى كۇتىلەدى، جاۋىن-شاشىن بولادى، ەلدىڭ شىعىسىندا جانە وڭتۇستىك-شىعىستىڭ تاۋلى اۋداندارىندا قاتتى جاۋىن-شاشىن (جاڭبىر، قار) جاۋادى، جەل كۇشەيەدى، تۇندە جانە تاڭەرتەڭ تۇمان، كوكتايعاق، رەسپۋبليكانىڭ سولتۇستىگىندە جانە شىعىسىندا بۇرقاسىن كۇتىلەدى.

قر باتىسىندا جانە وڭتۇستىك-باتىسىندا انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى. شىعىس قازاقستان وبلىسىنىڭ باتىسىندا، سولتۇستىگىندە جانە ورتالىعىندا، تۇندە جانە تاڭەرتەڭ اقمولا وبلىسىنىڭ شىعىسىندا تۇمان، كوكتايعاق، جاياۋ بۇرقاسىن كۇتىلەدى، تۇندە باتىسىندا، سولتۇستىگىندە، كۇندىز شىعىس قازاقستان وبلىسىنىڭ باسىم بولىگىندە جەل 15-20 م/س كۇشەيەدى.

تۇندە جانە تاڭەرتەڭ پاۆلودار وبلىسىنىڭ سولتۇستىگىندە كوكتايعاق كۇتىلەدى، باسىم بولىگىندە جەل 15-20 م/س كۇشەيەدى. تۇركىستان وبلىسىنىڭ باتىسىندا جانە تاۋلى، تاۋ بوكتەرى اۋداندارىندا، قىزىلوردا وبلىسىنىڭ سولتۇستىگىندە جانە ورتالىعىندا 15-20، ەكپىنى 23 م/س جەلدىڭ كۇشەيۋى كۇتىلەدى، قىزىلوردا وبلىسىندا شاڭدى داۋىل بولادى. قاراعاندى وبلىسىنىڭ سولتۇستىگىندە، شىعىسىندا تۇمان، كوكتايعاق كۇتىلەدى، جەل 18 م/س كۇشەيەدى.

تۇندە اتىراۋ وبلىسىنىڭ وڭتۇستىگىندە، كۇندىز باتىس قازاقستان وبلىسىنىڭ وڭتۇستىك-باتىسىندا 15-20 م/س جەل كۇشەيەدى. تۇندە جانە تاڭەرتەڭ قوستاناي، سولتۇستىك قازاقستان وبلىسىنىڭ سولتۇستىك-باتىسىندا تۇمان كۇتىلەدى.

تۇندە جانە تاڭەرتەڭ الماتى وبلىسىنىڭ تاۋلى اۋداندارىندا تۇمان كۇتىلەدى، تۇندە وبلىستىڭ شىعىسىندا 15-20 م/س جەل كۇشەيەدى. جامبىل وبلىسىنىڭ تاۋلى جانە تاۋ بوكتەرى اۋداندارىندا تۇمان، كوكتايعاق كۇتىلەدى، باتىسىندا جانە تاۋلى اۋدانداردا 15-20 م/س جەل كۇشەيەدى.

تۇندە ماڭعىستاۋ وبلىسىنىڭ سولتۇستىك-باتىسىندا، كۇندىز باسىم بولىگىندە جەل 15-20 م/س كۇشەيەدى، كۇندىز سولتۇستىك-شىعىسىندا شاڭدى داۋىل كۇتىلەدى.