بيىل فورۋم الماتىدا وتەدى. بۇل تۋرالى بۇگىن «Nur Otan» پارتياسى جانىنداعى ازاماتتىق قوعامدى دامىتۋ جانە مەملەكەتتىك باسقارۋ جونىندەگى رەسپۋبليكالىق قوعامدىق كەڭەستىڭ وتىرىسىندا قر اقپارات جانە قوعامدىق دامۋ ۆيتسە-ءمينيسترى بولات تلەپوۆ حابارلادى.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, «Nur Otan» فراكتسياسىنىڭ مۇشەسى ايدوس سارىمنىڭ توراعالىعىمەن «Nur Otan» پارتياسى جانىنداعى ازاماتتىق قوعامدى دامىتۋ جانە مەملەكەتتىك باسقارۋ جونىندەگى رەسپۋبليكالىق قوعامدىق كەڭەس وتىرىسىنىڭ كۇن تارتىبىندە «Nur Otan» پارتياسىنىڭ 2025 جىلعا دەيىنگى سايلاۋالدى باعدارلاماسىنىڭ «جاۋاپتى ازاماتتىق قوعام» باعىتى بويىنشا جول كارتاسىنىڭ تارماقتارىن ىسكە اسىرۋ بارىسى قارالدى.
ۆيتسە-ءمينيستردىڭ ايتۋىنشا, رەسپۋبليكادا ۇەۇ-مەن ءوزارا ءىس-قيمىلدىڭ ءتۇرلى ديالوگتىق فورماتتارى جۇمىس ىستەيدى.
«ازاماتتىق قوعام مەن مەملەكەتتىڭ ديالوگىن دامىتۋدىڭ نەگىزگى الاڭدارىنىڭ ءبىرى 2003 جىلدان بەرى تۇراقتى نەگىزدە وتكىزىلىپ كەلە جاتقان ازاماتتىق فورۋم پلاتفورماسى سانالادى. ازاماتتىق فورۋم الاڭى ءوزارا ءىس-قيمىلدىڭ ستراتەگيالىق باسىمدىقتارىن ازىرلەۋ ءۇشىن ۇكىمەتتىك ەمەس سەكتور, حالىقارالىق ۇيىمدار, بيزنەس, ساراپشىلىق قوعامداستىق وكىلدەرىن بىرىكتىرەدى. بيىل ءبىز مەرەيتويلىق X ازاماتتىق فورۋم وتكىزۋدى جوسپارلاپ وتىرمىز, وندا ازاماتتىق قوعامدى دامىتۋ, ونىڭ تاۋەلسىزدىكتىڭ 30 جىلى ىشىندەگى مەملەكەتپەن ءوزارا ءىس-قيمىلىنىڭ ناتيجەلەرى ۇسىنىلاتىن بولادى», دەدى بولات تىلەپوۆ.
ونىڭ ايتۋىنشا, ۇەۇ-مەن ءوزارا ءىس-قيمىل سالاسىنداعى كونسۋلتاتيۆتىك-كەڭەسشى ورگان سانالاتىن ۇەۇ-مەن ءوزارا ءىس-قيمىل جونىندەگى ۇيلەستىرۋ كەڭەسى جۇمىس ىستەيدى. وندا ۇەۇ سالاسىنداعى زاڭنامانى جەتىلدىرۋ ماسەلەلەرى قارالادى, مينيسترلىكتەردىڭ, وبلىس اكىمدىكتەرىنىڭ ستراتەگيالىق قۇجاتتاردى, ازاماتتىق فورۋمداردىڭ ۇسىنىمدارىن ىسكە اسىرۋ تۋرالى ەسەپتەرى تىڭدالادى. كەڭەس قىزمەت ەتكەن جىلدارى (2005 جىلدان باستاپ) 500-دەن استام ۇسىنىمدار ازىرلەندى.
ۆيتسە-مينيستر ەل دامۋىنىڭ وزەكتى ماسەلەلەرىن شەشۋ ءۇشىن ازاماتتىق بەلسەندىلەردى تارتۋ, كۆازيمەملەكەتتىك سەكتوردا قوعامدىق كەڭەستەر قۇرۋ جانە «Nur Otan» پارتياسىنىڭ سايلاۋالدى باعدارلاماسىن ىسكە اسىرۋدىڭ جول كارتاسى شەڭبەرىندە ساياسي ديالوگ مادەنيەتىن دامىتۋ بويىنشا اتقارىلعان جۇمىستار تۋرالى ەگجەي-تەگجەيلى ايتىپ بەردى.
