كورەي تاراپىنان 15-كە جۋىق ءىرى كومپانيا: «Lotte Confectionery», «Medical Partners Korea», «Dongil Construction», «Samsung Electronics», «Daewoo Bus Company», «Mark Point», «POSCO», «SK E&C», سونداي-اق «KHIDI» ونەركاسىپ جانە دەنساۋلىق ساقتاۋ دامۋ ينستيتۋتى جانە «KOTRA» ساۋدانى ىنتالاندىرۋ اگەنتتىگى سياقتى ۇيىمداردىڭ جانە ت.ب. باسشىلىعى قاتىستى.
«كەزدەسۋ بارىسىندا كورەي تاراپى قولدانىستاعى جوبالاردى ىسكە اسىرۋ تاجىريبەسىمەن ءبولىستى. قازاقستان ەكونوميكاسىنىڭ باسىم سەكتورلارى – قۇرىلىس, تاۋ-كەن مەتاللۋرگياسى كەشەنى, اقپاراتتىق تەحنولوگيالار, ەنەرگەتيكا, ماشينا جاساۋ جانە ت.ب. سالالارداعى جاڭا ينۆەستيتسيالىق جوسپارلارى تۋرالى ايتتى», دەپ جازىلعان ۇكىمەت باسشىسىنىڭ ءباسپاسوز قىزمەتى.
قازاقستان ەكى ەل اراسىنداعى ەكونوميكالىق ىنتىماقتاستىقتىڭ زور الەۋەتى بار ەكەنىن اتاپ ءوتتى, ەكىجاقتى ىنتىماقتاستىقتى نىعايتۋ مۇمكىندىكتەرىنە نازار اۋداردى.
