ء«بىرىنشى. ەكولوگيا, گەولوگيا جانە تابيعي رەسۋرستار مينيسترلىگىنە 9 ءىرى سۋ قويماسىنىڭ قۇرىلىسى مەن 120 كانالدى قايتا جاڭارتۋ, سونداي-اق ولاردى تسيفرلاندىرۋ بويىنشا جول كارتاسىن ازىرلەۋ قاجەت», دەدى اسقار مامين ۇكىمەت وتىرىسىندا.
سونىمەن قاتار, اۋىل شارۋاشىلىعى, ەكولوگيا, گەولوگيا جانە تابيعي رەسۋرستار مينيسترلىكتەرىنە وبلىس اكىمدىكتەرىمەن بىرلەسىپ, ءبىر اي ىشىندە سۋارمالى جەرلەردە 2025 جىلعا دەيىن سۋ ۇنەمدەۋ تەحنولوگيالارىن ەنگىزۋ بويىنشا ايماقتىق جول كارتاسىن ازىرلەۋ جانە جايىلىمدارداعى قولدانىستاعى گيدروتەحنيكالىق قۇرىلىستاردى, ۇڭعىمالاردى جاڭارتۋ تاپسىرىلدى.
ء«ۇشىنشى. اۋىل شارۋاشىلىعى مينيسترلىگى الماتى, تۇركىستان جانە قىزىلوردا وبلىستارىنىڭ اكىمدىكتەرىمەن بىرگە ىلعالدى جاقسى كورەتىن داقىلداردىڭ (كۇرىش پەن ماقتانىڭ) ەگىستىك القابىن بىرتىندەپ قىسقارتۋ ماسەلەسىن پىسىقتاۋدى تاپسىرامىن», دەپ قورىتىندىلادى پرەمەر-مينيستر.
