پارلامەنت • 04 قازان، 2021

ماۋلەن اشىمباەۆ الەمدىك جانە ءداستۇرلى دىندەر ليدەرلەرى وكىلدەرىمەن كەزدەستى

114 رەت كورسەتىلدى

قازاقستان رەسپۋبليكاسى پارلامەنتى سەناتىنىڭ توراعاسى – الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمباەۆ بىرقاتار الەمدىك جانە ءداستۇرلى دىندەر ليدەرلەرى وكىلدەرىمەن كەزدەستى، دەپ حابارلايدى Egemen.kz.

ءدىن وكىلدەرى 6 قازان كۇنى نۇر-سۇلتان قالاسىندا وتەتىن XIX حاتشىلىق وتىرىسىنا قاتىسۋ ءۇشىن قازاقستانعا ارنايى كەلگەن بولاتىن.

كەزدەسۋلەر بارىسىندا ماۋلەن اشىمباەۆ بەيبىتشىلىك پەن كەلىسىمدى حالىقارالىق ارەنادا دارىپتەۋ ىسىندە قازاقستان ۇسىنعان دىنارالىق فورۋمنىڭ ەرەكشە ءرول اتقاراتىنىن اتاپ ءوتتى.

«وتكەن 18 جىلدىڭ ىشىندە الەمدىك جانە ءداستۇرلى دىندەر ليدەرلەرىنىڭ سەزى وزىق ءارى سالماقتى ديالوگ الاڭىنا اينالدى. وعان تەك ءدىن ليدەرلەرى عانا ەمەس، سونىمەن بىرگە الەمدىك دەڭگەيدەگى ىقپالدى ساياساتكەرلەر مەن حالىقارالىق ۇيىمداردىڭ كورنەكتى وكىلدەرى دە قاتىسىپ كەلەدى. بۇل سەزدىڭ شەشىمدەرىن ناتيجەلى ىسكە اسىرۋعا جانە دىنارالىق ديالوگ پەن كەلىسىم يدەيالارىن ىلگەرىلەتۋگە تىڭ سەرپىن بەرەدى»، دەدى سەزد حاتشىلىعىنىڭ باسشىسى.

ءال-ازحار ۋنيۆەرسيتەتى يسلام زەرتتەۋلەر اكادەمياسىنىڭ باس حاتشىسى نازير مۇحاممەد مۇحاممەد ءال-نازير ايادپەن كەزدەسۋ كەزىندە جاڭا زاماندا وركەنيەتارالىق جانە دىنارالىق ديالوگتىڭ ءرولى ارتىپ كەلە جاتقانى ءسوز بولدى. سۇحباتتاسۋشىلار تۋىنداعان ماسەلەلەردى شەشۋ كەزىندە قازاقستان تاراپىنان مۇنداي تاسىلگە باسا ءمان بەرىلەتىنىن اتاپ ءوتتى. ءوز سوزىندە سەزد حاتشىلىعىنىڭ باسشىسى يسلام زەرتتەۋلەر اكادەمياسىنا كونفەسسياارالىق جانە وركەنيەتارالىق ديالوگتى دامىتۋ باعىتى بويىنشا نۇرسۇلتان نازارباەۆ ورتالىعىمەن سەرىكتەستىكتى نىعايتۋ ءۇشىن قولداۋ كورسەتۋگە دايىن ەكەنىن جەتكىزدى.

سونداي-اق سەنات توراعاسى ورىس پراۆوسلاۆيە شىركەۋى ماسكەۋ پاتريارحاتى سىرتقى شىركەۋ بايلانىستارى ءبولىمىنىڭ دىنارالىق قاتىناستار جونىندەگى حاتشىسى، ءدىني قىزمەتكەر ديميتري سافونوۆپەن كەزدەستى. ماۋلەن اشىمباەۆ بىرنەشە جىلدان بەرى جالعاسىپ كەلە جاتقان ەكىجاقتى ىنتىماقتاستىقتى نىعايتۋعا جانە سەزد حاتشىلىعىنىڭ جۇمىسىنا تۇراقتى قاتىسىپ، ونىڭ ناتيجەلى بولۋىنا ۇلەس قوسقانى ءۇشىن مەيمانعا العىس ءبىلدىردى. كەزدەسۋ كەزىندە سەزد الەمدىك كونفەسسيالاردىڭ قولداۋىنىڭ ارقاسىندا حالىقارالىق دەڭگەيدە ماڭىزدى رولگە يە بولىپ وتىرعانى دا ايتىلدى.

سونىمەن قاتار سەنات توراعاسى دىنارالىق ديالوگ جونىندەگى پاپا كەڭەسىنىڭ يسلام بويىنشا بيۋروسىنىڭ باسشىسى، مونسەنور حالەد اكاشەمەن كەزدەستى. ماۋلەن اشىمباەۆ ۆاتيكاننىڭ حالىقتار مەن دىندەر اراسىنداعى بەيبىتشىلىكتى، دوستىقتى جانە ىنتىماقتاستىقتىنىعايتۋعا قوسىپ كەلە جاتقان ۇلەسىن جوعارى باعالادى. سۇحبات بارىسىندا تاراپتار وسىعان دەيىنگى سەزدەر اياسىندا اتقارىلعان جۇمىستاردىڭ ماڭىزىنا توقتالدى جانە ەرتەڭگى حاتشىلىق وتىرىسى دا فورۋمنىڭ حالىقارالىق بەدەلىن ارتتىرۋعا زور سەپتىگىن تيگىزەتىنىنە سەنىم ءبىلدىردى.

ال، بىرىككەن اراب امىرلىكتەرى مۇسىلمان اقساقالدار كەڭەسىنىڭ باس حاتشىسى سۇلتان فەيسال رۋمەيسيمەن كەزدەسۋدە ماۋلەن اشىمباەۆ ءباا-ءنىڭ الەمدىك ىنتىماقتاستىققا قوسىپ وتىرعان ۇلەسىنە نازار اۋداردى. سەنات توراعاسى 2019 جىلى ابۋ-دابيدە ريم پاپاسى فرانتسيسك پەن ءال-ازحاردىڭ جوعارعى يمامى شەيح احماد ءال-تايەب قول قويعان «بۇكىل الەمدە بەيبىتشىلىك پەن بىرلەسىپ ءومىر ءسۇرۋ ءۇشىن ادامزات باۋىرلاستىعى تۋرالى» تاريحي قۇجاتتى تىلگە تيەك ەتتى جانە ونىڭ ىسكە اسىرىلۋىنا ءباا-ءنىڭ جاعداي جاساعانىن ايرىقشا اتاپ ءوتتى. سونداي-اق تاراپتار نۇرۇلتانداعى دىنارالىق ديالوگ ءدىني ۇيىمداردى جاقىنداستىرۋ جانە ءححى عاسىردىڭ جاھاندىق سىن-قاتەرلەرىنە بىرلەسءىپ جاۋاپ ىزدەۋ جولىندا ماڭىزدى ءرول اتقارا بەرەتىنىنە سەنىم ءبىلدىردى.

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار