وتىرىستىڭ كۇن تارتىبىنە «تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن گۋمانيتارلىق ميناسىزداندىرۋ ينجەنەرلىك بولىمشەسى تۋرالى كەلىسىمدى راتيفيكاتسيالاۋ تۋرالى» جانە «تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن (بىرىككەن) بايلانىس جۇيەسى تۋرالى كەلىسىمدى راتيفيكاتسيالاۋ تۋرالى» ەكى زاڭ جوباسى ەنگىزىلدى.
ءبىرىنشى كەلىسىمدى راتيفيكاتسيالاۋ بىرلەسكەن بولىمشەنى قالىپتاستىرۋ, قولدانۋ جانە ونىڭ قىزمەتىن اياقتاۋ ءتارتىبىن, قابىلداۋشى نە ترانزيتتىك تاراپتىڭ اۋماعىنداعى ونىڭ مارتەبەسىن, سونداي-اق گۋمانيتارلىق ميناسىزداندىرۋدى جۇرگىزۋ كەزەڭىندەگى تاراپتاردىڭ اسكەري قىزمەتشىلەرىنىڭ مارتەبەسىن ايقىندايدى. بىرلەسكەن بايلانىس جۇيەسى تۋرالى كەلىسىمدى راتيفيكاتسيالاۋ ءوز كەزەگىندە, كەلىسىمگە قاتىسۋشى ەلدەردىڭ قارۋلى كۇشتەرى بايلانىس جۇيەلەرىنىڭ جۇمىس ىستەۋ تيىمدىلىگىن ارتتىرۋعا ىقپال ەتەتىن بولادى.
بيۋرو وتىرىسىندا سونىمەن قاتار ماجىلىستەن بۇرىن كەلىپ تۇسكەن «كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا كاسپي تەڭىزىن جەرۇستى كوزدەرىنەن جانە قۇرلىقتا جۇزەگە اسىرىلاتىن قىزمەت ناتيجەسىندە لاستانۋدان قورعاۋ جونىندەگى حاتتامانى راتيفيكاتسيالاۋ تۋرالى», «كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا بيولوگيالىق ارالۋاندىلىقتى ساقتاۋ تۋرالى حاتتامانى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى سەناتتىڭ سالالىق كوميتەتتەرىنە بەرىلدى.
