كەزەكتى رەيد كەزىندە كوكپەكتى اۋىلدىق وكرۋگىندەگى تولاعاي تاۋى تۇسىندا كەتىپ بارا جاتقان كولىك توقتاتىلعان. تەكسەرۋ كەزىندە كولىكتىڭ جۇك سالعىشىنان مارال ەتى تابىلدى.
«9 قاپ ەت, «ۆەپر 308» ماركالى كارابين اتىس قارۋى, 10 وق, مارالدىڭ 2 ءمۇيىزى, پىشاق جانە بالتا تاركىلەندى. ەر ادامنىڭ جابايى اڭدى اتۋعا رۇقسات قاعازى بولماعان», دەپ حابارلادى شقو ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءباسپاسوز قىزمەتى.
اۋىل تۇرعىنىن اتالعان فاكتى بويىنشا قر قك 337-بابى 1-بولىگىنە (زاڭسىز اڭ اۋلاۋ) سايكەس سوتقا دەيىنگى تەرگەۋ امالدارى باستالدى.
ايتا كەتەيىك, پوليتسيا قىزمەتكەرلەرى, «وحوتزووپروم» رمقك وكىلدەرى, شقو ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى ماماندارى بىرلەسكەن رەيد جۇرگىزىپ جاتىر.
