Energyprom.kz زەرتتەۋى بويىنشا, قاڭتار-تامىزدا ەلىمىزدە 100,8 مىڭ توننا ماكارون, كەسپە جانە باسقا ۇقساس ۇن ونىمدەرى وندىرىلگەن. بۇل وتكەن جىلمەن سالىستىرعاندا 13,3%-عا از.
وڭىرلىك جاعدايدا سەكتورداعى ءونىم كولەمى بويىنشا شىمكەنت كوشباسشى: 17,8 مىڭ توننا وندىرىلگەن. بىلتىرعىمەن سالىستىرعاندا 16,3%-عا زا. ۇزدىك ۇشتىكتىڭ قاتارىنا ەلوردا (16,7 مىڭ توننا, -19,2%) مەن باتىس قازاقستان وبلىسى (15,1 مىڭ توننا, -1,3%) كىردى.
جالپى العاندا, 2020 جىلى ەلىمىزدە 179,3 مىڭ توننا ماكارون ونىمدەرى ءوندىرىلدى, بۇل ءبىر جىل بۇرىنعى كورسەتكىشتەن 6,2% -عا ارتىق.
تامىز ايىنىڭ سوڭىندا ماكارون ونىمدەرىنىڭ باعاسى ايىنا 1,3 -عا جانە جىلىنا 11,1%-عا وسكەن. باعا ءوسىمى اتىراۋ (22%), قىزىلوردا (18,4%) جانە قاراعاندى (17,5%) وبلىستارىندا قاتتىراق ءبىلىندى.
«جىلدىق ديناميكاداعى ماكارون ونىمدەرىنىڭ ىشىندە كەسپە - 12,4%, سپاگەتتي - 11,5%, ۆەرميشەل - 10,9%, روجكي 10,7%-عا قىمباتتادى», دەيدى ساراپشىلار.
قىركۇيەك ايىندا بازار مەن دۇكەن سورەسىندە 1 كگ كەسپەنى 782 تەڭگەدەن, ۆەرميشەل - 374 تەڭگەدەن, روجكيدى - 361 تەڭگەدەن ساتىپ الۋعا بولادى.
قازاقستان استىق وداعى ماكارون ونىمدەرىنىڭ باعاسى ءالى وسەتىنىن ايتادى. سەبەبى نارىقتا شيكىزات باعاسى قىمباتتاعان. بيىلعى قۇرعاقشىلىققا بايلانىستى وتاندىق فەرمەرلەر دە بيدايدان از ءونىم العان.
