مينيستر تۇركىستان وبلىسىندا جەرگىلىكتى تۇرعىندارمەن كەزدەسىپ, وڭتۇستىك وڭىردەگى وزەكتى پروبلەمالاردىڭ ءبىرى – سۋ ماسەلەسىنە تالقىلادى. مينيستر الدىمەن «تۇركىستان ماگيسترالدى كانالىنا» بارىپ, كانال ارنالارىن بەتونداۋ جۇمىسىمەن تانىستى. كانال ۇزىندىعى 149 كم قۇرايدى جانە جەرگىلىكتى شارۋا قوجالىقتارىنىڭ نەگىزگى سۋ كوزى بولىپ تابىلادى. جۇرگىزىلىپ جاتقان جۇمىستىڭ ماڭىزدىلىعىنا توقتالعان سەرىكقالي برەكەشەۆ جوبا اياقتالعان سوڭ سۋ شىعىنى ازاياتىنىن حابارلادى. 2020 جىلى باستالعان قۇرىلىس جۇمىستارى كەلەر جىلى اياقتالىپ, پايدالانۋعا بەرىلەدى.
سونداي-اق ەسكى يقان اۋىلدىق وكرۋگىندە «يرريگاتسيالىق جانە درەناجدىق جۇيەلەردى جەتىلدىرۋ جوباسى» اياسىندا جۇرگىزىلىپ جاتقان جۇمىستارمەن تانىستى. جوبا اياسىندا 72 دانا تىك درەناجدى ۇڭعىما جانە 300 شاقىرىمعا جۋىق كانال جاڭعىرادى. سەرىكقالي برەكەشەۆ قۇرىلىس قارقىنىن جىلدامداتىپ, جوسپارعا ساي اياقتاۋدى تاپسىردى. سەرىكقالي برەكەشەۆ ارتىنشا وڭىردەگى سۋ تاسقىنى ماسەلەسىن شەشۋگە سەپتىگىن تيگىزگەن «كوكساراي» سۋ رەتتەگىشىنىڭ بۇگىنگى كۇيىن بايقادى. «قازسۋشار» رمك تۇركىستان فيليالىنىڭ ديرەكتورى كەريمجانوۆ مەرلان 2011 جىلى قولدانىسقا بەرىلگەن كونتررەتتەگىش جاڭعىرتۋدى قاجەت ەتەدىندىگىن جەتكىزدى. جاڭعىرتۋ ماقساتىندا دايىندالعان جوبانى مينيسترگە تانىستىرىپ, ماماندارمەن تالقىلادى. ايتىلعان پىكىرلەرمەن مەن ۇسىنىستار ەسكەرىلىپ, جوبالاۋ جۇمىستارى جىل سوڭىنا دەيىن ۇسىنىلاتىن بولدى.
جۇمىس ساپارى اياسىندا تۇركىستان وبلىسىنىڭ اكىمى ومىرزاق شوكەەۆ, ەگترم سۋ رەسۋرستارى كوميتەتىنىڭ توراعاسى نۇرلان الدامجاروۆ, «قازسۋشار» رمك باس ديرەكتورى التاي ەلجاسوۆپەن بىرگە شاردارا سۋ قويماسىنا باردى. جەرگىلىكتى تۇرعىندارمەن تىلدەسىپ, سۋ شارۋاشىلىعىنا قاتىستى وزەكتى ماسەلەلەردى تالقىلادى. تۇرعىنداردى 50 جىلدان اسقان سۋ قويماسىنىڭ قاۋىپسىزدىگى الاڭداتادى. مينيستر سەرىكقالي برەكەشەۆ قويمانى جاڭعىرتۋ جۇمىسىمەن اينالىسىپ جاتقان مەردىگەر كومپانياعا قۇرىلىس جۇمىستارىن بەلگىلەنگەن ۋاقىتتا اياقتاۋدى تاپسىردى. سونداي-اق جوبادا كورسەتىلگەن قاراجاتتان اسىپ, ارتىق شىعىن كەلتىرمەۋدى مىندەتتەدى.
شاردارا سۋ قويماسىندا جۇزەگە اسىرىلىپ جاتقان جوندەۋ, سەيسموتۇراقتىلىعىن ارتتىرۋ جۇمىستارى 2022 جىلى اياقتالادى. قۇرىلىس اياقتالعان سوڭ 7 بالدىق جەر سىلكىنىسىنە شىداس بەرەتىن توزىمدىلىككە يە بولادى. سونداي-اق مينيستر سەرىكقالي برەكەشەۆ جۇمىس ساپارى اياسىندا جەرگىلىكتى بالىق شارۋاشىلىعى سالاسىنىڭ كاسىپكەرلەرىمەن كەزدەستى. وڭىردەگى بالىق ءوندىرىسىنىڭ قارقىنىن بايقاپ, ۇلعايتۋ ماقساتىندا مەملەكەت تاراپىنان قولعا الىنىپ جاتقان جوبالاردى تانىستىردى.
