بۇل تۋرالى ادام قۇقىقتارى جونىندەگى وكىل نينو لومدجاريا حابارلادى, دەپ جازدى ريا نوۆوستي.
ونىڭ سوزىنشە, ەلدىڭ بۇرىنعى باسشىسى وعان تاعىلعان ايىپپەن كەلىسپەيدى جانە ءوزىن ساياسي تۇتقىن دەپ ەسەپتەيدى.
«سااكاشۆيلي ونى ءوزىنىڭ ۇيىندە تۇتقىنداعانىن ايتتى. ول ەش قارسىلىق كورسەتپەدى, سايكەسىنشە پوليتسيا دا كۇش قولدانبادى. تۇتقىنداۋ بارىسىندا ول ۇيىندە جالعىز بولدى. پوليتسياعا ەسىكتى ءوزى اشتى», دەدى ومبۋدسمەن.
سونداي-اق نينو لومدجاريا تۇتقىندالعان ادام ۋكراينا ازاماتى رەتىندە كونسۋلمەن كەزدەسۋدى تالاپ ەتكەنىن, بۇدان بولەك گرۋزياعا قالاي كەلگەنىن ايتىپ بەرۋدەن باس تارتقانىن مالىمدەدى.
بۇل رەتتە گرۋزيا پرەمەر-مينيسترى يراكلي گاريباشۆيلي يمەدي تەلەارناسى ەفيرىندە ۇكىمەت ەكس-پرەزيدەنتتىڭ ەلگە ورالعانىن ءبىلىپ وتىرعانىن. الايدا ونى تۇتقىنداۋ بويىنشا ارنايى وپەراتسيانى جۇزەگە اسىرۋ ءۇشىن كەلگەنىن جوققا شىعارعاندارىن ايتتى.
«ونىڭ ارانداتۋشىلىعىنىڭ سالدارى تەكەتىرەسكە ۇلاسىپ كەتەر ەدى. ءبىز ارانداتۋشىلىق پەن ەلدەگى جاپپاي تارتىپسىزدىكتى الدىن الدىق دەپ سەنىممەن ايتا الامىز», دەدى ۇكىمەت باسشىسى.
قازىر سااكاشۆيلي تبيليسي ماڭىنداعى رۋستاۆسكايا اباقتىسىندا.
ەسكە سالساق, سااكاشۆيلي گرۋزيانى 2004-2013 جىلدارى باسقاردى. كەيىننەن ەلدەن قاشىپ كەتتى. ونى بانكير ساندرو گيرگۆليانيدىڭ ولىمىنە جانە دەپۋتات ۆالەري گەلاشۆيليدى سوققىعا جىعۋعا قاتىستى قىلمىستىق ىستەر بويىنشا سىرتتاي سوتتادى. ءبىرىنشى ءىس بويىنشا وعان ءۇش جىلعا, ال ەكىنشى ءىس بويىنشا التى جىلعا باس بوستاندىعىنان ايىرۋ جازاسى كەسىلدى.
