كەزدەسۋ بارىسىندا قوس تاراپ ساۋدا-ەكونوميكا, ونەركاسىپتىك كووپەراتسيا, اوك, ەنەرگەتيكا, ترانزيتتىك-كولىك, تۋريزم, مادەني-گۋمانيتارلىق سالالارداعى قر مەن رف شەكارا ماڭى ىنتىماقتاستىعىنىڭ وزەكتى ماسەلەلەرىن سارالادى.
سونداي-اق, ەرتىس ترانسشەكارالىق وزەنىندە كەمە قاتىناسىن دامىتۋ ماسەلەلەرىنە ەرەكشە نازار اۋدارىلدى. پاۆلودار مەن ومبى قالالارى اراسىنداعى وزەن بويىنشا جۇك تاسىمالداۋ كولەمىن 2025 جىلعا قاراي 4 ەسەگە ارتتىرىپ, جىلىنا 1 ملن تونناعا دەيىن جەتكىزۋ جوسپارلانىپ وتىر.
بۇقتىرما, وسكەمەن جانە ءشۇلبى كەمە قاتىناسى شليۋزدەرىنە جۇرگىزىلىپ جاتقان كۇردەلى جوندەۋ جۇمىستارى ەرتىس وزەنى بويىنشا وتپەلى كەمە قاتىناسىن اشىپ, كەلەشەكتە قحر-مەن مۋلتيمودالدىق قاتىناستىڭ اشىلۋىنا ىقپال ەتەتىن بولادى.
قازاقستان - ومبى وبلىسىنىڭ ءىرى ساۋدا-ەكونوميكالىق سەرىكتەسى. 2021 جىلعى قاڭتار-شىلدە ايلارىندا تاۋار اينالىمى $192,3 ملن قۇرادى, بۇل وتكەن جىلدىڭ كورسەتكىشىمەن سالىستىرعاندا 26,6%-عا جوعارى.
