بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى قايسار بارجاقسىنوۆ ءمالىم ەتتى.
«28 قىركۇيەكتە گلۋبوكوە اۋداندىق سوتىنىڭ ۇكىمىمەن شىعىس قازاقستان وبلىسى گلۋبوكوە اۋدانى اكىمىنىڭ ورىنباسارى قيماسوۆ 3 جىلعا باس بوستاندىعىنان ايىرىلدى. ول اۋداندىق تۇرعىن ءۇي-كوممۋنالدىق شارۋاشىلىعى بولىمىمەن اۋداندىق ماڭىزى بار جولداردى كۇتىپ ۇستاۋ بويىنشا مەملەكەتتىك ساتىپ الۋ شارتىنا قوسىمشا كەلىسىم جاساعانى جانە ورىندالعان جۇمىستار اكتىلەرىنە كەدەرگىسىز قول قويعانى ءۇشىن كاسىپكەردەن 500 مىڭ تەڭگە سوماسىندا پارا الدى دەگەن كۇدىككە ءىلىندى. قيماسوۆ ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى», دەدى تەرگەۋشى.
