اتاپ ايتقاندا, كولىك نىساندارىندا سانيتارلىق ەرەجەلەرگە سايكەس دەزينفەكتسيالىق, دەزينسەكتسيالىق جانە دەراتيزاتسيالىق ءىس-شارالار جۇرگىزىلۋدە.
اۋەجايلار مەن ۆوكزالدار عيماراتتارىندا سانيتاريالىق-ەپيدەمياعا قارسى كەلەسى ءىس-شارالار جۇرگىزىلەدى:
- اۋا تەمپەراتۋراسى مەن ىلعالدىلىعىنىڭ وڭتايلى جاعدايلارىن قامتاماسىز ەتۋ ءۇشىن اۋا ورتاسىن جەلدەتۋ جانە اۋا باپتاۋ جۇيەلەرى بويىنشا تازالاۋ, جۋ, دەزينفەكتسيالاۋ, اۋىستىرۋ جانە باسقا دا جۇمىستار جوسپارلى پروفيلاكتيكالىق جۇمىستار كەستەسىنە سايكەس جۇرگىزىلەدى;
- بارلىق ءۇي-جايلاردى كۇنىنە كەمىندە 3 رەت 15 مينۋتتان كەم ەمەس ءجيى جەلدەتۋ;
نۇسقاماعا جاۋاپتى ادامدى بەكىتۋ, جەكە قورعانىش قۇرالدارىن (ماسكالار, قولعاپتار) ۋاقتىلى اۋىستىرۋ, - دەزينفەكتسيالاۋ, جۋ جانە انتيسەپتيكالىق قۇرالداردىڭ قاجەتتى قورىن جابدىقتاۋ جانە قاداعالاۋ, نۇسقامانى وتكىزۋدىڭ كەزەڭدىلىگى, قورعاۋ قۇرالدارىن اۋىستىرۋ جانە دەزينفەكتسيالاۋ قۇرالدارىنىڭ قورىن تولىقتىرۋ بويىنشا جۋرنال جۇرگىزۋ;
- قىزمەتكەرلەر اراسىندا ينفەكتسيالىق جانە پارازيتتىك اۋرۋلار كەزىندە جەكە قورعانۋ قۇرالدارىن (ماسكالار, قولعاپتار) پايدالانۋ الگوريتمى بويىنشا, جەكە (قوعامدىق) گيگيەنا ەرەجەلەرىن ساقتاۋ قاجەتتىلىگى تۋرالى نۇسقاما, سونداي-اق ولاردىڭ مۇلتىكسىز ساقتالۋىن قاداعالاۋ;
- شەكتەۋ ءىس-شارالارىن, ونىڭ ىشىندە ينفەكتسيالىق جانە پارازيتتىك اۋرۋلارعا بايلانىستى كارانتيندى ەنگىزۋ كەزەڭىندە-قاعاز نەمەسە ەلەكتروندىق تاسىمالداعىشتا تىركەي وتىرىپ, ۇيىمنىڭ مەديتسينا قىزمەتكەرىنىڭ قاراپ-تەكسەرۋى كەزىندە جاي-كۇيىنە ساۋالناما جانە تەرمومەتريا جۇرگىزە وتىرىپ, قىزمەتكەرلەردى مەديتسينالىق باقىلاۋ;
- بولماۋ سەبەبىن انىقتاي وتىرىپ, پەرسونالدىڭ جۇمىسقا شىعۋىنا كۇندەلىكتى مونيتورينگ;
وزىندىك قاۋىپسىزدىك قىزمەتىمەن نەمەسە بىلىكتى پەرسونالمەن عيماراتقا كىرگەن كەزدە جولاۋشىلاردى بايلانىسسىز تەرمومەتريامەن تەكسەرۋ; - جولاۋشىلار بولاتىن ورىنداردا جۋ جانە دەزينفەكتسيالاۋ قۇرالدارىن قولدانا وتىرىپ, اعىمداعى جانە كۇردەلى جيناۋ, جولاۋشىلاردىڭ قولدارىمەن جاناسۋىن بولدىرمايتىن ەدەندى, تەرەزەلەردى, قابىرعالاردى, ەسىك تۇتقالارىن, تۇتقالاردى, ورىندىقتاردى جانە وزگە دە بەتتەردى دەزينفەكتسيالاۋ سۋلىقتارىمەن (نەمەسە دەزينفەكتسيالاۋ قۇرالدارىنىڭ ەرىتىندىلەرىمەن) ءسۇرتۋ;
- ءوز قاراجاتى ەسەبىنەن نەمەسە مەملەكەتتىك تاپسىرىس شەڭبەرىندە سانيتاريالىق-ەپيدەميولوگيالىق قىزمەتتىڭ لاۋازىمدى ادامدارىنىڭ قاۋلىلارى بويىنشا ەپيدەميولوگيالىق ايعاقتار بويىنشا دەزينفەكتسيالىق, دەزينسەكتسيالىق جانە دەراتيزاتسيالىق ءىس-شارالار;
- اۋرۋ بەلگىلەرى بار جولاۋشىلار انىقتالعان كەزدە قورىتىندى دەزينفەكتسيا, اۋەجايلاردىڭ, ۆوكزالداردىڭ عيماراتتارىندا جولاۋشىلاردىڭ بولۋ ورىندارى.
ءجىتى رەسپيراتورلىق ينفەكتسيالار (جوعارى تەمپەراتۋرا, جوتەل, مۇرىننىڭ بىتەلۋى) جانە باسقا دا ينفەكتسيالىق اۋرۋلار بەلگىلەرى بار پەرسونال تەكسەرۋگە جىبەرىلەدى.
قۇجاتتىڭ تولىق ءماتىنىن مىنا سىلتەمە ارقىلى كورۋگە بولادى.
بۇيرىق العاشقى رەسمي جاريالانعان كۇنىنەن كەيىن كۇنتىزبەلىك 60 كۇن وتكەن سوڭ قولدانىسقا ەنگىزىلەدى.
