ماقسات – اشىق ۇنقاتىسۋ

كەشە  قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ءما­دي­نا جاربوسىنوۆانىڭ ءتورايىم­دى­عى­مەن ەلىمىزدىڭ سىرتقى ساياسات ۆەدوم­ستۆوسى جانىنداعى ەۋروپاداعى قاۋىپسىزدىك جانە ىن­تىماقتاستىق ۇيىمىنىڭ ادام ولشەمدەرى جونىندەگى كونسۋلتاتيۆتىك كەڭەسىنىڭ ءبىرىنشى وتىرىسى بولىپ ءوتتى. كونسۋلتاتيۆتىك كەڭەستىڭ باستى ماقساتى قازاقستان رەسپۋبليكا­سى­نىڭ 2010 جىلداعى توراعالىعى با­رىسىندا ادام ولشەمدەرى جونىندەگى ماسەلەلەردى تالقىعا سالۋ بولىپ تابىلادى. وسى جونىندە ەرەكشە تاپ­سىرمالار جونىندەگى ەلشى, ەقىۇ دەپارتامەنتىنىڭ ديرەكتورى سەرجان ابدىكارىموۆ بىلاي دەدى: “قازاقستان ەقىۇ توراعاسى رەتىندە گۋمانيتارلىق, سونداي-اق ءبىزدىڭ ۇيىمىمىزدىڭ بارلىق ءۇش ولشەم­دە­رىن تەڭدەي تولتىرۋ شەڭبەرىندە ءوزىنىڭ الەۋەتىن تولىق پايدالانۋعا ۇم­تىلاتىن بولادى”. قوعامدىق ءومىر­دىڭ ەرەكشە ماڭىزدى اسپەك­تى­لەرىن قامتىعاندىقتان, گۋماني­تار­لىق ولشەمدەر ماسەلەلەرىنە ۇكىمەت­تىك ەمەس ۇيىمدار, ازاماتتىق قوعام مەن  جالپى قوعام تاراپىنان اي­تار­لىقتاي كوڭىل بولىنۋدە.  كون­سۋلتاتيۆتىك كەڭەستىڭ قۇرىلۋى ەلىمىزدىڭ حالىقارالىق ساراپشىلار قوعامداستىعىمەن جانە ازاماتتىق قوعام ينستيتۋتتارىمەن اشىق ۇنقاتىسۋعا ۇلكەن ماڭىز بەرىپ وتىرعاندىعىن كورسەتەدى. كەڭەس قۇرامىنا مەملەكەتتىك ورگاندار وكىلدەرى, “باس رەداك­تور­لار كلۋبى” قۇ, ء“ادىل ءسوز” ءسوز بوس­تاندىعىن قورعاۋ قورى, الما­تىداعى حەلسينكي كوميتەتى, “ادام قۇقى ءۇشىن حارتياسى” قوعامدىق قورى سياقتى قازاقستاندىق ۇكىمەت­تىك ەمەس ۇيىمدار, سونداي-اق گۋما­نيتارلىق سەبەت ماسەلەلەرىنە ما­ماندانىپ جۇرگەن گەرمانيا, ەستو­نيا, نيدەرلاندى, اقش, ۇلى­بري­تا­نيانىڭ حالىقارالىق ساراپ­شىلارى كىرگەن. كەڭەس مۇشەلەرىنىڭ الدىندا جوسپارلانىپ قويىلعان گۋمانيتارلىق ولشەمدەرگە ارنالعان ءىس-شارالار وتكىزۋ جانە ەقىۇ-داعى قازاقستاندىق توراعالىقتىڭ باسىمدىقتارى ماسەلەلەرىن تالقى­لاۋ مىندەتى  تۇردى. ءبىرىنشى قوسىمشا كەڭەس “گەن­دەرلىك تەپە-تەڭدىكتى العا جىلجىتۋ مەن ساياسي جانە قوعامدىق ومىرگە ايەلدەردىڭ قاتىسۋى” دەپ اتالادى. ەكىنشى قوسىمشا كەڭەس “ازشىلىق ۇلتقا جاتاتىن تۇلعالاردى وقىتۋ: ينتەگراتسيا جانە تەڭدەي ءمۇم­كىن­دىكتەر”, سونداي-اق ءۇشىنشى قوسىم­شا كەڭەس ء“دىن جانە ار-ۇجدان ەركىندىگى” دەپ بەكىتىلىپتى. بۇدان باسقا “سوت جۇيەسى تاۋەلسىزدىگىن نىعايتۋ جانە قوعامداستىقتىڭ سوت ادىلدىگىنە قولجەتىمدىلىگى” اتتى سەمينار وتكىزۋ جوسپارلانعان ەكەن. گۋمانيتارلىق ولشەمدەر اۋماعىن­دا­عى مىندەتتەردى ورىنداۋ جونىندەگى كەڭەس وتكىزۋ دە نازاردان تىس قال­ماعان. اسىرەسە, كوپەنگاگەن قۇجا­تى­نىڭ قابىلدانۋىنا 20 جىل تو­لۋىنا وراي كونفەرەنتسيا مەن كەمسىتۋشىلىكتى بولدىرماۋ جانە تولەرانتتىلىق جونىندەگى جوعارى دەڭگەيلى كونفەرەنتسيا وتكىزۋ باستى مىندەتتەردىڭ بىرىنە اينالىپ وتىر. سونىمەن قاتار كونسۋلتا­تيۆتىك كەڭەس شەڭبەرىندە بۇۇ ادام قۇقىقتارى جونىندەگى كەڭەسىنىڭ 2010 جىلعا ارنالعان امبەباپ مەرزىمدىك شولۋى بارىسىندا قازاقستان تاراپىنا ۇسىنىلعان 26 ۇسىنىس, سونىڭ ىشىندە ۇلتتىق بايانداما دا قارالاتىن بولادى. اسقار تۇراپباي ۇلى.