تەاتر • 01 قازان، 2021

ۇزدىك تۋىندىلارىن تارتۋ ەتەدى

60 رەت كورسەتىلدى

الداعى 8، 9 جانە 10 قازان كۇندەرى «استانا وپەرا» ساح­ناسىندا قاراعاندى اكادە­ميالىق مۋزىكالىق كومەديا تەاترى ەلوردالىقتارعا ي.كالماننىڭ «سيلۆا»، ي.شتراۋستىڭ «ۆالس كو­رولى» وپە­رەتتالارى مەن ا.كول­­كەر­دىڭ «ترۋففال­دي­نو» ميۋزيكلىن ۇسىنادى.

«استانا وپەرا» تەاترىنىڭ ديرەكتورى، قازاقستاننىڭ ەڭبەك سىڭىرگەن قايراتكەرى عالىم احمە­ديا­روۆ­تىڭ ايتۋىنشا، اتالعان تەات­ر ونەر ساپارىنىڭ شىمىلدىعىن بەل­گىلى رەجيسسەر، رف حالىق ءارتىسى، قازاقستان رەسپۋبليكاسى مەملە­كەتتىك سىيلىعىنىڭ لاۋرەاتى يۋري الەكساندروۆ ساحنالاعان ي.كال­ماننىڭ الەمگە ايگىلى «سيلۆا» سپەك­تاكلىمەن اشادى.

سونىمەن قاتار قاراعاندى اكادە­ميالىق مۋزىكالىق كومەديا تەاترى، اسىرەسە، جەتكىن­شەك­تەرگە باعالى سىي رەتىندە ءا.ءابدى­نۇروۆتىڭ قازاق اڭىزدا­رى­نىڭ جەلىسىمەن جازىلعان «كيەلى سامۇرىق قۇس» ەرتەگىسى مەن «كىش­كەنتاي مۋك» قويىلىمىن تارتۋ ەتەدى.

بۇگىنگە دەيىن كەنشىلەر قالا­سىنداعى ونەر ورداسىنىڭ رەپەرتۋارىندا 280-نەن استام قويىلىم بار، ونىڭ ىشىندە الەمدىك كلاسسيكالىق وپەرا جاۋھارلارى مەن زاماناۋي سپەكتاكلدەردى اي­تۋعا بولادى.

 «استانا وپەرانىڭ» IX ماۋسىمى باستالعاننان بەرى ەلورداعا بۇعان دەيىن الماتىداعى اباي اتىنداعى قازاق مەملەكەتتىك اكا­دەميالىق وپەرا جانە بالەت تەاترى مەن شىم­كەنت قالالىق وپەرا جانە بالەت تەاترى گاسترولدىك ساپارمەن كەلىپ، جۇرتشىلىقتى قۋانتسا، ەندى قا­راعاندى اكادەميالىق مۋزىكالىق كومەديا تەاترىنىڭ ۇزدىك تۋىندىلارىن تاماشالاۋعا مۇمكىندىك تۋىپ وتىر.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار