ددۇ مالىمەتتەرىنە سايكەس, سوڭعى 20 جىل ىشىندە الەمدە وبىر اۋرۋىنا شالدىعۋ ەكى ەسە ءوستى. ياعني 19,3 ملن جاعدايعا دەيىن. دۇنيە جۇزىندە بىلتىر وبىردان 10 ملن ناۋقاس قايتىس بولدى. كەۋدە, وكپە, جۋان ىشەك جانە ەركەك بەز وبىرىمەن ادامدار ءجيى اۋىرادى.
دەنساۋلىق ساقتاۋ مينيسترلىگىنىڭ مالىمەتتەرى بويىنشا, 2020 جىلى قازاقستاندا 32 مىڭنان استام وبىردىڭ جاڭا وقيعالارى تىركەلگەن. ولاردىڭ كەيبىرى پاتسيەنتكە كومەكتەسۋ وتە كۇردەلى جاعدايعا سوعاتىن سوڭعى دەڭگەيىندە انىقتالعان. ەسەپكە 190 مىڭعا جۋىق قازاقستاندىق سىرقات الىنسا, بىلتىر ونكواۋرۋلاردان 14 مىڭنان استام ادام قايتىس بولعان.
قازاقستاندا ونكواۋرۋدى ەمدەۋدى تولىق نەمەسە ءىشىنارا ۇسىناتىن 180-نەن استام مەديتسينا ورتالىعى تىركەلگەن. مۇنداي كلينيكالار كوبىنەسە الماتىدا (81), نۇر-سۇلتاندا (42) جانە قاراعاندىدا (24) ورنالاسقان. وبىردى ەمدەۋ قانشاعا تۇسەتىنىن شامالاۋ ءۇشىن ونكوكلينيكالارداعى ءجيى كورسەتىلەتىن قىزمەت تۇرلەرىنىڭ قۇنىن بايقاپ كورەلىك:
مامان كەڭەسى – 2 مىڭنان – 20 مىڭ تەڭگەگە دەيىن.
زەرتتەۋ جانە تالداۋ جۇرگىزۋ – ءبىر تالداما ءۇشىن 2 مىڭ تەڭگەدەن باستالادى.
اۋرۋحاناعا جاتقىزۋ – تاۋلىگىنە 3 500 – 100 مىڭ تەڭگە.
حيميوتەراپيا – 150 مىڭ – 500 مىڭ تەڭگە.
حيرۋرگيا – وپەراتسيانىڭ كۇردەلىلىگىنە بايلانىستى 10 مىڭ – 800 مىڭ تەڭگە.
شەتەلدە ەمدەلۋ قاجەت بولسا, نە ىستەۋ كەرەك؟
دۇنيە جۇزىندە وبىردى جاعىمدى ەمدەيتىن كلينيكالار جانە مەديتسينا ماماندارى بارشىلىق. بىراق كوپتەگەن قازاقستاندىقتار وعان قول جەتكىزە المايدى.
وتباسىلىق بيۋدجەتكە اۋىرتپالىق تۇسىرمەۋدى, جاقسى كلينيكادا ەمدەلۋدى ويلاستىرعاندار نەمەسە وتباسى وتەماقى الاتىنىنا قام جەمەيتىن ادامدار – ءجىتى اۋرۋلاردان ەمدەلۋ ءۇشىن ەرىكتى ساقتاندىرۋدى تاڭدايدى. اتالعان باعدارلامالاردىڭ ەرەجەلەرىنە سايكەس, ەگەر ساقتاندىرىلعان ادامعا دياگوز قويىلاتىن بولسا, ساقتاندىرۋ كومپانياسى ەمدەلۋ شىعىندارىن لايىقتى شەتەلدىك كلينيكادا تولەيدى.
«باعدارلامالار قازاقستاندىقتارعا قولجەتىمدى بولۋ ءۇشىن ساقتاندىرۋ نارىعىنا «دەنساۋلىققا جازىلىم» ءونىمى ەنگىزىلدى. بۇل باعدارلاما سوماسى 1 ملن دوللارعا دەيىن قۇرايتىن شەتەلدە ەمدەلۋ مۇمكىندىگىن ۇسىنادى: كارديوحيرۋرگيا, ترانسپلانتاتسيا, وڭالتۋ جانە باسقا دا قىمبات مەديتسينالىق قىزمەت كورسەتۋ تۇرلەرى بار. جازىلىم قۇنى – ايىنا ءبىر ادامعا 15,1 دوللاردان باستالادى. تولەمىن وزىڭىزگە قولايلى تۇردە جاساۋعا بولادى. ودان باسقا, وتباسىلىق جانە كورپوراتيۆتىك توپتامالارى بار», دەپ تۇسىنىكتەمە بەردى Freedom Finance Life وسك.
