فوتو: Instagram/zhaksylyk_omar
بۇعان دەيىن وسكەمەن قالاسىنىڭ قىلمىستىق ىستەر جونىندەگى اۋدانارالىق سوتى جاقسىلىق ومارعا قاتىستى قىلمىستىق ءىستى قاراعان بولاتىن. ول ءىرى كولەمدەگى الاياقتىق جانە ءىرى مولشەردە پارا الۋ بويىنشا ايىپتالعان.
3 ساۋىردە سوت ۇكىمى جاريالانىپ, جاقسىلىق ومار كىنالى دەپ تانىلدى. وعان 6 جىل باس بوستاندىعىنان ايىرۋ جازاسى تاعايىندالىپ, مۇلكى (Toyota Camry اۆتوكولىگى) تاركىلەندى. سونداي-اق وعان ءومىر بويىنا مەملەكەتتىك قىزمەتتە لاۋازىم اتقارۋعا تىيىم سالىندى. جازانى ول ورتاشا قاۋىپسىزدىك مەكەمەسىندە وتەيدى.
پروكۋراتۋرانىڭ مالىمەتىنشە, بۇل ءىس سىبايلاس جەمقورلىق سيپاتىنداعى قىلمىستارعا جاتادى جانە مەملەكەتتىك قىزمەتتىڭ بەدەلى مەن قوعامنىڭ سەنىمىنە نۇقسان كەلتىرەدى. ايىپتاۋشى تاراپ سوتتان زاڭدا كوزدەلگەن ەڭ قاتاڭ جازانى سۇراعان.
ۇلتتىق قاۋىپسىزدىك كوميتەتى جاقسىلىق ومارعا قاتىستى تەرگەۋدى راستادى
سونىمەن قاتار, پروكۋراتۋرا قولدانىستاعى زاڭناماعا سايكەس, سىبايلاس جەمقورلىق قىلمىستارى ءۇشىن سوتتالعاندارعا راقىمشىلىق پەن مەرزىمىنەن بۇرىن شارتتى تۇردە بوساتۋ نورمالارى قولدانىلمايتىنىن اتاپ ءوتتى.
ايتا كەتەيىك, سوت ۇكىمى ازىرگە زاڭدى كۇشىنە ەنگەن جوق.
