فەستيۆال اقمولا وبلىسى اكىمدىگىنىڭ قولداۋىمەن وبلىستىق ورىس دراما تەاترى گيتيس رەسەي تەاتر ونەرى ينستيتۋتىمەن بىرلەسىپ ۇيىمداستىرىلدى.
مادەنيەت, ارحيۆتەر جانە قۇجاتتاما باسقارماسىنان اتاپ وتكەندەي, تەاتر سپەكتاكلدەرى وبلىس ورتالىعىنىڭ بىرنەشە الاڭىندا وتەدى. قويىلىمداردى الەمگە ايگىلى تەاترتانۋشىلار مەن سىنشىلار باعالايدى. جاقىندا فەستيۆال قارساڭىندا تەاتر ءبىلىم زەرتحاناسىنىڭ اشىلۋى ءوتتى. ونىڭ جۇمىسىنا كوكشەتاۋ, نۇر-سۇلتان, قاراعاندى, الماتى, اقتاۋ, اقتوبە جانە باسقا دا قالالاردىڭ تەاتر ۇجىمدارى قاتىسۋدا. «تەاتر زەرتحاناسى اسەم تابيعاتىمەن تاماشا زەرەندى اۋدانىندا وتۋدە.
شىعارماشىلىق شارالار بارىسىندا قاتىسۋشىلار ءۇشىن قازاقستاندىق جانە رەسەيلىك جەتەكشى تەاتر قايراتكەرلەرى مەن پەداگوگتاردىڭ قاتىسۋىمەن اكتەرلىك شەبەرلىك, قۋىرشاق تەاترى ونەرى, پراكتيكالىق رەجيسسۋرا, تەاتر مەنەدجمەنتى بويىنشا شەبەرلىك سىنىپتارى وتكىزىلەدى», دەپ اتاپ ءوتتى ۆەدومستۆودان.
حالىقارالىق فەستيۆال قورىتىندىسى بويىنشا قاتىسۋشىلار ءتۇرلى اتالىمدار بويىنشا ماراپاتتالادى. كورەرمەندەردىڭ قاۋىپسىزدىگى ءۇشىن بارلىق ءىس-شارالار Ashyq جوباسى اياسىندا سانيتارلىق-ەپيدەميولوگيالىق نورمالاردى ساقتاي وتىرىپ وتكىزىلەدى.
