پرەزيدەنت جولداۋىنا سايكەس شارالاردى قولدانۋدى تالاپ ەتەتىن تاعى ءبىر سالا — اگروونەركاسىپ كەشەنى.
ۇكىمەت باسشىسىنىڭ ورىنباسارى اتاپ وتكەندەي, اگروونەركاسىپتىك كەشەننىڭ باستى ماقساتى — ەلدىڭ ازىق-ت ۇلىك قاۋىپسىزدىگىن قامتاماسىز ەتۋ.
اۋىل شارۋاشىلىعى وندىرىسىنە اۋا رايى فاكتورلارىنىڭ تەرىس اسەرىن جويۋ, سونداي-اق مال شارۋاشىلىعىنىڭ جەمشوپ بازاسىن دامىتۋ ماقساتىندا ەگىنشىلىكتى ءارتاراپتاندىرۋ بويىنشا جۇمىس جۇرگىزىلۋدە. ول ءۇشىن جالداۋ شارتى شەڭبەرىندە قابىلدانعان مىندەتتەمەلەردى ورىنداۋ بويىنشا جەر پايدالانۋشىلارىنىڭ جۇمىسىن باقىلاۋ تەتىكتەرى ازىرلەندى.
«مەملەكەتتىك رەتتەۋ شارالارى زاماناۋي تسيفرلىق تەحنولوگيالاردى قولدانۋعا, عارىشتىق مونيتورينگ پەن جەردى قاشىقتان زوندتاۋعا نەگىزدەلىپ, مەملەكەتتىك قولداۋ شارالارىمەن ۇيلەستىرىلەتىن بولادى», دەدى رومان سكليار.
بۇدان باسقا, ەگىس القاپتارىن ءارتاراپتاندىرۋ, اۋىل شارۋاشىلىعىنىڭ جالپى ءونىمىن ۇلعايتۋ, ەڭبەك ونىمدىلىگىن ارتتىرۋ, سونداي-اق جەردى ۇتىمدى پايدالانۋ جونىندەگى تالاپتاردى ورىنداۋ سياقتى قارسى مىندەتتەمەلەردى كەزەڭ-كەزەڭىمەن ەنگىزۋ جوسپارلانعان. سونىمەن قاتار جەم-ءشوپ داقىلدارىن ءوسىرۋ الاڭىن كەمىندە 2 ەسە ۇلعايتۋ جوسپارلانۋدا.
جايىلىمداردىڭ ونىمدىلىگىن ارتتىرۋ ءۇشىن جاڭا تاسىلدەر ەنگىزىلەتىن بولادى. وسىعان بايلانىستى سۋ ارنالارىنا رەكونسترۋكتسيالاۋ جۇرگىزىلۋدە.
«2025 جىلعا دەيىن جالپى ۇزىندىعى شامامەن 2,3 مىڭ كم بولاتىن كەمىندە 120 ماگيسترالدىق ارنانى قايتا جاڭارتۋدى جۇرگىزۋ جوسپاردا بار, سونداي-اق تاياۋ ۋاقىتتا ەلدىڭ التى وڭىرىندە جيناقتاۋ كولەمى 1,7 ملرد م3 بولاتىن 9 جاڭا سۋ قويماسى سالىناتىن بولادى», دەپ باياندادى ول.
بۇگىنگى تاڭدا ەلىمىزدە شامامەن 1,6 ملن جەكە قوسالقى شارۋاشىلىق بار, ولار 2020 جىلدىڭ قورىتىندىسى بويىنشا 2,6 ترلن تەڭگە سوماسىنا اۋىل شارۋاشىلىعى ءونىمىن ءوندىردى.
