ء«بىز ءبىر جىلدىڭ ىشىندە ەلەكتر ەنەرگياسىن تۇتىنۋ مەن ونى ءوندىرۋ 7%-عا وسكەنىن بايقايمىز. بۇل وتە ۇلكەن ءوسىم. قازىر بىرقاتار شەشىمدەر قابىلداۋىمىز كەرەك. بىرىنشىدەن, ءبىز جۇيەلىك وپەراتورلاردىڭ – بۇل ءبىزدىڭ KEGOC ۇلتتىق كومپانيامىز – ەلەكتر ەنەرگياسىنىڭ تاپشىلىعى تۋىنداۋى مۇمكىن ساتتە ءبىرىنشى كەزەكتە تاۋ-كەن DATA - ورتالىقتارىنىڭ تۇتىنۋ كولەمىن شەكتەۋگە نەمەسە ازايتۋعا قۇقىعىنا يە بولۋعا ءتيىسپىز», دەدى ماعزۇم مىرزاعاليەۆ ۇكىمەتتە وتكەن بريفينگتە.
«ەكىنشىدەن, ءبىز بۇل ماسەلەنى ەنەرگەتيكالىق قۋات بەرۋگە تەحنيكالىق شارتتار بەرۋ بولىگىندە رەتتەگىمىز كەلەدى. بۇل دا وتە ماڭىزدى. ۇشىنشىدەن, تاۋ-كەن نارىعىن دامىتۋ قاجەت. شىن مانىندە, ءبىزدىڭ ەلىمىزدە ونى دامىتۋ ءۇشىن جاقسى مۇمكىندىكتەر بار. ەگەر ءتيىستى ەلەكتر ەنەرگياسىنا كەنشىلەر تاراپىنان سۇرانىس بولسا, ونى جەك ەسەبىنەن گەنەراتسيانىڭ جاڭا كوزدەرىن سالۋ ارقىلى قاناعاتتاندىرۋعا بولادى», دەپ اتاپ ءوتتى مينيستر.
