تاراپتار دەنساۋلىق ساقتاۋ سالاسىنداعى ەكىجاقتى ىنتىماقتاستىق پەرسپەكتيۆالارىن تالقىلادى.
كەزدەسۋ باسىندا ا.تسوي كەتي ليچكە ءىلتيپات ءبىلدىرىپ, ۇلىبريتانيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالۋىمەن قۇتتىقتادى. مينيستر قازاقستان-بريتان ۇكىمەتارالىق كوميسسياسىنىڭ جىل سايىنعى وتىرىسىن وتكىزۋ ىنتىماقتاستىقتاعى ماڭىزدى ماسەلەلەردى كەڭىنەن قامتۋعا مۇمكىندىك بەرەتىنىن اتاپ ءوتتى.
سونىمەن قاتار ا. تسوي ەكونوميكالىق تۇراقتىلىقتى قامتاماسىز ەتۋ جانە ينفەكتسيانىڭ تارالۋىنا قارسى ءىس-قيمىل جاساۋ, COVID-19 تارالۋىنىڭ الدىن الۋ جانە دەنساۋلىق ساقتاۋ جۇيەسىنىڭ ساپاسىن قامتاماسىز ەتۋ ءۇشىن قابىلدانعان شارالار تۋرالى ايتتى.
«قازاقستاننىڭ ۆاكتسينا تولقۇجاتىن 6 ەل مويىندادى: ۆەنگريا, تايلاند, موڭعوليا, گرۋزيا, قىرعىز رەسپۋبليكاسى جانە مولدوۆا رەسپۋبليكاسى. بۇگىنگى تاڭدا باسقا ەلدەرمەن ۆاكتسيناتسيا پاسپورتىن ءوزارا تانۋ ماسەلەسى پىسىقتالۋدا. وسىعان بايلانىستى, قازاقستان مەن ۇلىبريتانيانىڭ ۆاكتسيناتسيالانعان ازاماتتارىنىڭ ترانسشەكارالىق ورىن اۋىستىرۋى ءۇشىن شەكتەۋلەردى جويۋ جونىندەگى ماسەلەنىڭ ماڭىزدىلىعى مەن وزەكتىلىگىن اتاپ ءوتىپ, ۆاكتسيناتسيا سەرتيفيكاتتارىن ءوزارا تانۋ ماسەلەسىن قاراستىرۋدى ۇسىنامىز», دەدى ا.تسوي.
COVID-19 تارالۋىنا بايلانىستى ساقتالىپ وتىرعان تۇراقسىز جاعدايدى ەسكەرە وتىرىپ, مينيستر اعىمداعى ەپيدەميولوگيالىق جاعداي, سونداي-اق ونى تۇراقتاندىرۋ بويىنشا جۇرگىزىلىپ جاتقان شارالار بويىنشا تۇراقتى اقپارات الماسۋ تۇرىندە ارىپتەستىكتى جانداندىرۋدى ۇسىندى.
كەزدەسۋ سوڭىندا ا. تسوي ۇلىبريتانيانىڭ مساك جونىندەگى استانا دەكلاراتسياسىن ىلگەرىلەتۋ تۋرالى دوستىق ەلدەر توبىنا قوسىلۋىنا جانە باستاپقى بۋىن دەڭگەيىندە مەديتسينالىق كومەك كورسەتۋ ساپاسىن جاقسارتۋعا باعىتتالعان بىرلەسكەن ءىس-شارالاردى ىسكە اسىرۋعا قاتىسۋعا مۇددەلى ەكەنىن ءبىلدىردى.
