«قۇرمەتتى فورمۋعا قاتىسۋشىلار, بۇگىنگى فوۋمنىڭ تاقىرىبى - ەكولوگيا مەن جاسىل دامۋ سالاسىنداعى ارىپتەستىك. شىنىمەن دە, بۇل تاقىرىپ ماڭىزدى ءارى كەيىنگە ىسىرۋعا بولمايتىن سيپات الىپ كەلەدى. وزدەرىڭىز بىلەتىندەي, قازاقستان ءوز اۋماعىندا عانا ەمەس, بۇكىل وڭىردەگى ەكولوگيالىق احۋالدى جاقسارتۋ بويىنشا بىرقاتار ءىرى حالىقارالىق جوبالاردى ىسكە اسىردى. بۇل – الەمدەگى ءىرى يادرولىق پولگوندى جابۋ, ارال تەڭىزىن قورعاۋ جانە كاسپيدى ساقتاۋ بويىنشا اۋقىمدى باعدارلامالاردى ىسكە اسىرۋ جوبالارى», دەگەن پرەزيدەنت ەكولوگيا مەن بيوالۋاندىقتى ساقتاۋ ماسەلەلەرىنە قازاقستاننىڭ ۇلكەن ماڭىز بەرىپ قارايتىنىن ەسكەرتتى.
«قازاقستان مەن رەسەيدىڭ ەكولوگيالىق پروبلەمالارى وتە ۇقساس. بۇل – اۋا مەن سۋدىڭ, توپىراق لاستانۋىنىڭ جوعارى دەڭگەيى, رادياتسيالىق جانە ونەركاسىپتىك قالدىقتاردىڭ قوردالانۋى. كورشىلەس جاتۋىمىزدى ەسكەرسەك, ءبىزدىڭ پروبلەمالار ەكى ەلگە دە ورتاق دەۋگە بولادى», دەدى مەملەكەت باسشىسى.
ايتا كەتەيىك, پرەزيدەنت قاسىم-جومارت توقاەۆ شاراعا ونلاين فورماتتا قاتىسۋدا.
