«قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ساتىپ الۋ, جەر قويناۋىن پايدالانۋشىلار مەن تابيعي مونوپوليالار سۋبەكتىلەرىنىڭ ساتىپ الۋى, بايلانىس, اۆتوموبيل كولىگى مەن قورعانىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قر قارجى ءمينيسترى ەرۇلان جاماۋباەۆ تانىستىردى.
ونىڭ ايتۋىنا قاراعاندا, قۇجات جوباسى 4 نەگىزگى تۇزەتۋدى قامتيدى. ولار: - ءبىر كوزدەن ساتىپ الۋدى قىسقارتۋ; - سىبايلاس جەمقورلىق تاۋەكەلدەردى تومەندەتۋ; - مەملەكەتتىك ساتىپ الۋ تۋرالى زاڭنامانى جەتىلدىرۋ; - جەر قويناۋىن پايدالانۋشىلاردىڭ, تابيعي مونوپوليالار سۋبەكتىلەرىنىڭ, بايلانىس, اۆتوموبيل كولىگى مەن قورعانىس ساتىپ الۋىن جەتىلدىرۋ.
سەنات دەپۋتاتتارى زاڭ جوباسىن تالقىلاي كەلىپ, ءبىرىنشى وقىلىمدا ماقۇلدادى.
