ءبىرىنشى 2 ميلليون تەڭگەنىڭ قارجىلاي سەرتيفيكاتى قىزىلوردا وبلىسىنىڭ قازالى اۋدانىندا ورنالاسقان ەرجىگىت بوزعۇلوۆ اتىنداعى №249 مەكتەپ-ليتسەيىنە تابىس ەتىلدى. بۇل مەكتەپ اۋىل وقۋشىلارىنا ارنالعان «مىڭ بالا» ۇلتتىق زياتكەرلىك وليمپياداسىندا ۇزدىك ناتيجە كورسەتتى. ءبىلىم ورداسى جوباعا قاتىسقان 4 مىڭنان استام مەكتەپتىڭ ىشىندە ۇزدىكتەر قاتارىندا. وليمپيادانىڭ قورىتىندىسى بويىنشا مەكتەپتە 66 فيناليست جانە 21 جەڭىمپاز انىقتالدى.
«مىڭ بالا» وليمپياداسى وسىمەن ەكىنشى جىل وتكىزىلىپ وتىر. وسى ۋاقىت ىشىندە جوباعا 450 مىڭنان استام اۋىل وقۋشىسى قاتىسىپ ۇلگەردى. وليمپيادا ناتيجەسى بويىنشا 2000 وقۋشى, اۋىل مەكتەپتەرىنىڭ 5-6 سىنىپتارىنىڭ جەڭىمپازدارى رەسپۋبليكالىق فيزيكا-ماتەماتيكا مەكتەبى, ء«بىلىم-يننوۆاتسيا» ليتسەيلەرى, «دارىن» مامانداندىرىلعان مەكتەپتەرى سياقتى ەلىمىزدىڭ جەتەكشى مەكتەپتەرىندە وقۋعا, سونداي-اق ەلباسى اكادەمياسىنىڭ «Birge oqý» ونلاين مەكتەبىندە پاندىك دايىندىقتان وتۋگە مۇمكىندىك الدى», دەپ حابارلايدى قوردىڭ ءباسپاسوز قىزمەتى.
ەكىنشى اقشالاي سەرتيفيكاتتى سولتۇستىك قازاقستان وبلىسى اققايىڭ اۋدانىنىڭ №1 سميرنوۆ ورتا مەكتەبى الدى. «ەلباسى مەدالى» جوباسىن ىسكە اسىرۋ شەڭبەرىندە نەعۇرلىم بەلسەندى اۋىل مەكتەپتەرىنە تالداۋ جۇرگىزىلىپ, اتالعان مەكتەپتە ەلباسى مەدالىنىڭ ەڭ كوپ يەگەرى انىقتالدى. 12 وقۋشى باعدارلامانى 7 باعىت بويىنشا اياقتاپ, قولا مەدالگە يە بولعان.
سولتۇستىك قازاقستان وبلىسى بويىنشا بارلىعى 292 قاتىسۋشى قولا مەدال جەڭىپ الدى. ءوڭىر بويىنشا «ەلباسى مەدالى» جوباسىنىڭ باعدارلاماسىنا 404 جاس قاتىسقان.
جالپى, ەكى جىل ىشىندە «ەلباسى مەدالى» جوباسىنا بۇكىل ەل بويىنشا 20 مىڭنان استام ادام قاتىستى. ولار: سپورت, تالانتتار مەن داعدىلار, كىتاپ وقۋ, ۇلتتىق مۇرا, ۆولونتەرلىك, ەكسپەديتسيالار مەن جورىقتار, ەڭبەك تاجىريبەسى سىندى جەتى باعىتتا ىزدەنەدى.
بيىل «ەلباسى مەدالىنىڭ» 605 يەگەرى گرانت الىپ, ەلىمىزدىڭ جەتەكشى جوعارى وقۋ ورىندارىنا ءتۇستى. ولاردىڭ 30%-دان استامى - اۋىل مەكتەپتەرىنىڭ تۇلەگى.
«ەل ءۇمىتى» باستاماسىنىڭ جوباسىن ۇيىمداستىرۋشىلار نۇرسۇلتان نازارباەۆ قورى مەن «ەلباسى اكادەمياسى» كق ەلىمىزدىڭ بارلىق ۇستازىن كاسىبي مەرەكەمەن قۇتتىقتاپ, بولاشاق ۇرپاقتى تاربيەلەۋ جولىندا تابىس تىلەيدى», دەپ جازىلعان حابارلامادا.
