شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە بىرنەشە سانات بار. ولار: ءبىرىنشى سانات – باسشىلار جانە ولاردىڭ ورىنباسارلارى (663), ەكىنشى سانات – قۇرىلىمدىق بولىمشەلەردىڭ باسشىلارى (3 279). ءۇشىنشى سانات – ماماندار (7 754) جانە ءتورتىنشىسى – بىلىكتى جۇمىسشىلار (651) ساناتىنا جاتادى. سونداي-اق ماۋسىمدىق جۇمىستارعا – 1 914 ادام, ال كورپوراتيۆتىك اۋىستىرۋ شەڭبەرىندە – 1 853 ادام تارتىلعان.
قازىرگى ۋاقىتتا قازاقستاندا 1 790 جۇمىس بەرۋشىدە شەتەلدىك قىزمەتكەر بار. ولاردا شامامەن 494 مىڭ قازاقستان ازاماتى جۇمىس ىستەيدى, بۇل جالپى جۇمىسشىلار سانىنىڭ 96%-ىن قۇرايدى.
قازاقستانعا كوبىنەسە قىتايدان (3 837 ادام), تۇركيادان (1 965 ادام), وزبەكستاننان (1 949 ادام), ءۇندىستاننان (1 024 ادام), ۇلىبريتانيادان (949 ادام) ەڭبەك ميگرانتتارى كەلەدى.
ەستەرىڭىزگە سالا كەتەيىك, ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0,31%-دى نەمەسە 29,3 مىڭ بىرلىكتى قۇرادى.
